പിണറായി വിജയനെതിരെ ആഞ്ഞടിച്ച് വാളയാര് പെണ്കുട്ടികളുടെ അമ്മ. പിണറായി വിജയനെതിരെ മത്സരിച്ച് നേടിയ വോട്ടുകള് വലിപ്പമുള്ളതാണെന്നും ആ അമ്മ കണ്ണീരോടെ പറയുന്നു. നിയമസഭ തെരഞ്ഞെടുപ്പില് ധര്മ്മടത്താണ് ആ അമ്മ മത്സരിച്ചത്. ആയിരത്തിലേറെ വോട്ടുകള് നേടിയ ആ അമ്മയെ വാളയാറിലെ ഭാഗ്യവതിയെന്നാണ് വിശേഷിപ്പിച്ചത്.
ആകെ ലഭിച്ച വോട്ടുകളുടെ എണ്ണത്തില് അഞ്ചാം സ്ഥാനമാണ് ഇവര്ക്ക് ലഭിച്ചത്. ധര്മ്മടത്ത് മത്സരിച്ചത് ഒന്പത് സ്ഥാനാര്ത്ഥികളാണ്. ഇതില് അഞ്ചാം സ്ഥാനത്ത് വാളയാര് പെണ്കുട്ടികളുടെ അമ്മയ്ക്ക് എത്താന് സാധിച്ചുവെന്നുള്ളത് പ്രശംസനീയമാണ്. ആ അമ്മയ്ക്ക് ജനങ്ങള് നല്കിയ ഓരോ വോട്ടും പിണറായി വിജയനെതിരെയുള്ള മറുപടിയായിരുന്നു. അതുകൊണ്ടുതന്നെ തനിക്ക് ലഭിച്ച ഓരോ വോട്ടും വിലപ്പെട്ടതാണെന്നും അവര് പറയുന്നു.
നീതി കിട്ടും വരെ സമരം തുടരുമെന്നും സര്ക്കാര് ചെയ്തത് ചതിയാണെന്നും ആ അമ്മ പറയുന്നു. സിബിഐ അന്വേഷണത്തിന് സര്ക്കാരിന്റെ ഇടപെടലില്ല. മക്കളുടേത് കൊലപാതകം തന്നെയെന്ന് സിബിഐക്ക് മനസിലായി എന്ന് വിചാരിക്കുന്നുവെന്നും വാളയാര് പെണ്കുട്ടികളുടെ അമ്മ പറഞ്ഞു. നീതിക്കായി ഇപ്പോഴും തല മുണ്ഡനം ചെയ്ത് തെരുവില് അലയുകയാണ് ആ അമ്മ. തന്റെ മക്കളുടെ മരണത്തിന്റെ പ്രതീകാത്മകമായി കുഞ്ഞുടുപ്പുകള് ഉയര്ത്തിയാണ് വാളയാര് അമ്മ ധര്മ്മടത്ത് വോട്ട് ചോദിച്ചിരുന്നത്.
ധര്മ്മടം മണ്ഡലത്തിലെ സ്ഥാനാര്ത്ഥിത്വം പ്രതിഷേധത്തിന്റെ ഭാഗമാണെന്ന് പ്രഖ്യാപിച്ചുകൊണ്ടാണ് വാളയാര് പെണ്കുട്ടികളുടെ അമ്മ ധര്മ്മടത് മത്സരിക്കാനെത്തിയിരുന്നത്. മക്കളുടെ മരണത്തില് അന്വേഷണം അട്ടിമറിച്ച ഉദ്യോഗസ്ഥര്ക്കെതിരെ നടപടി, കേസിലെ സിബിഐ അന്വേഷണം തുടങ്ങി സര്ക്കാര് നല്കിയ ഉറപ്പുകള് പാലിച്ചില്ലെന്നായിരുന്നു വാളയാര് അമ്മയുടെ ആരോപണം. നീതി നിഷേധിക്കപ്പെട്ടുവെന്നാണ് ഓരോ വേദിയിലും അവര് പറഞ്ഞത്.
കരഞ്ഞു കാല് പിടിച്ചിട്ടും നീതി ലഭിക്കാതെ വന്നപ്പോഴാണ് മുഖ്യമന്ത്രിക്കെതിരെ ജനകീയ പോരാട്ടം നടത്തിയതെന്നും ഭാഗ്യവതി പറഞ്ഞിരുന്നു. തെരഞ്ഞെടുപ്പ് പ്രചരണത്തിനിടെ വാളയാര് അമ്മയുടെ പോസ്റ്ററുകളും ബാനറുകളും വ്യാപകമായി നശിപ്പിക്കപ്പെട്ടിരുന്നു. സിപിഎം പ്രവര്ത്തകര് അത്തരത്തിലാണ് ആ അമ്മയോട് പ്രതിഷേധമറിയിച്ചത്. ആ അമ്മയെ മനപൂര്വ്വം അവഹേളിക്കുന്ന പോസ്റ്റ് വരെ സിപിഎം പ്രവര്ത്തകരുടെ ഭാഗത്തുനിന്നുണ്ടായിട്ടുണ്ട്. എന്തിനേറെ പറയുന്നു അഡ്വ.ഹരീഷ് വാസുദേവന് പോലും ആ സ്ത്രീ മോശക്കാരിയാണെന്ന് പറഞ്ഞു. നീതിക്കായി ഇപ്പോഴും തല മുണ്ഡനം ചെയ്ത് തെരുവില് അലയുകയാണ് താനെന്നും ആ അമ്മ കണ്ണീരോടെ പറയുന്നു.