ജൂണിൽ നടക്കാനിരിക്കുന്ന ജി 7 ഉച്ചകോടിയില്‍ പങ്കെടുക്കാന്‍ പ്രധാനമന്ത്രി നരേന്ദ്ര മോദിക്ക് ക്ഷണം. ബ്രിട്ടീഷ് പ്രധാനമന്ത്രി ബോറിസ് ജോണ്‍സനാണ് കോൺവാൾ മേഖലയിൽ വെച്ച് നടക്കുന്ന ഉച്ചകോടിക്ക് പ്രധാനമന്ത്രിയെ ക്ഷണിച്ചത്. ലോകത്തിലെ പ്രധാന സാമ്പത്തിക ശക്തികളായ യുറോപ്യൻ യൂണിയൻ,യു.കെ, കാനഡ, ഫ്രാൻസ്, ജർമ്മനി, ഇറ്റലി, ജപ്പാൻ, യു എസ്എ എന്നി രാജ്യങ്ങളാണ് ഉച്ചകോടിയിൽ പങ്കെടുക്കുന്നത് . 2021 ജൂണ്‍ 11 ന് ബ്രിട്ടണിലാണ് ജി 7 ഉച്ചകോടി സംഘടിപ്പിക്കുന്നത്. ഇത്തവണത്തെ ഉച്ചകോടിയില്‍ കൊറോണ വ്യാപനം, കാലാവസ്ഥാ വ്യതിയാനം, സാങ്കേതിക മാറ്റങ്ങള്‍, ശാസ്ത്രീയ കണ്ടുപിടിത്തങ്ങള്‍ എന്നിവയാകും പ്രധാന ചർച്ച വിഷയം.
അതെ സമയം, ജി 7 ഉച്ചകോടിക്ക് മുൻമ്പായി ബ്രിട്ടീഷ് പ്രധാനമന്ത്രി ബോറിസ് ജോണ്‍സണ്‍ ഇന്ത്യ സന്ദര്‍ശിക്കുമെന്ന് റിപ്പോര്‍ട്ടുകളുണ്ട്. വരാനിരിക്കുന്ന റിപ്പബ്ലിക് ദിനത്തിലും മുഖ്യ അതിഥിയായി ബോറിസ് ജോണ്‍സണെ ക്ഷണിച്ചിരുന്നു. എന്നാൽ പുതിയ കോവിഡ് വകഭേദം കണ്ടെത്തിയതിനെ തുടർന്ന് അദ്ദേഹത്തിന്റെ യാത്ര റദ്ദ് ചെയ്യുക ആയിരുന്നു.
Summary:UK invites prime minister modi to the g7 conference
