ത്രിപുരയിൽ കോൺഗ്രസ് അധ്യക്ഷൻ ബിജുഷ് വിശ്വാസിന്റെ കാറിനു നേരെ ആക്രമണം. ആക്രമണത്തെ തുടർന്ന് ബിശ്വാസിന് ചെറിയ രീതിയിലുള്ള പരിക്കേറ്റു. ഞായറാഴ്ച രാവിലെയോട് കൂടിയായിരുന്നു സംഭവം. അഗർത്തലയിൽ നിന്ന് കോൺഗ്രസ് ബിശാൽഗ്രഹിലേക്കുള്ള യാത്രക്കിടയിലാണ് ആക്രമണമുണ്ടായത്. സംഭവത്തെ തുടർന്ന് വാഹനത്തിന്റെ ചില്ലുകൾ തകർന്നു.
ബിജെപിയാണ് ആക്രമണത്തിന് പിന്നിലെന്നാണ് കോൺഗ്രസിന്റെ ആരോപണം. ഇതിനെ ത്തുടർന്ന് പോലീസിൽ പരാതി നൽകിയിട്ടുണ്ടെന്നും വൈകിട്ട് വാർത്താ സമ്മേളനത്തിൽ കൂടുതൽ കാര്യങ്ങൾ വിശദീകരിക്കും എന്നും വിശ്വാസം വ്യക്തമാക്കി. അതേസമയം പൊലീസ് കേസിൽ അന്വേഷണം ഊർജിതമാക്കി. എന്നാൽ സംഭവത്തിനു പിന്നിൽ രാഷ്ട്രീയ പാർട്ടികൾ ഉണ്ടോയെന്ന് ഇപ്പോൾ പറയാനാവില്ലെന്നും പ്രതികരിച്ചു.
Summary:Tripura congress president’s car attacked