കഴിഞ്ഞ തദ്ദേശ തിരഞ്ഞെടുപ്പില്‍ ഇടതു തരംഗം സൃഷ്ടിക്കാനായതിന്റെ മുഖ്യകാരണങ്ങളിലൊന്നായി വിലയിരുത്തുന്ന സൗജന്യ ഭക്ഷ്യകിറ്റുകളുടെ വിതരണം നീട്ടാന്‍ സര്‍ക്കാര്‍ തീരുമാനിച്ചു. ഇന്നത്തെ ബഡ്ജറ്റിലാണ് ഈ തീരുമാനം ധനമന്ത്രി തോമസ് ഐസക് പ്രഖ്യാപിച്ചത്.
കൊവിഡ് വ്യാപനം സംസ്ഥാനത്ത് ശക്തമായി തുടരുന്നതിനാല്‍ ഭക്ഷ്യ കിറ്റ് വിതരണം തുടരും എന്ന് അദ്ദേഹം അറിയിച്ചു. മാത്രമല്ല സംസ്ഥാനത്തെ അമ്പത് ലക്ഷം കുടുംബങ്ങളില്‍ ഭക്ഷ്യ ഭദ്രത ഉറപ്പുവരുത്തുന്നതിനായി നീല, വെള്ള കാര്‍ഡുകാര്‍ക്ക് അധികമായി 10 കിലോ അരി 15 രൂപക്ക് നല്‍കാനും തീരുമാനമായി.
ഭക്ഷ്യ സബ്സിഡിക്ക് 1060 കോടി രൂപയാണ് ബഡ്ജറ്റില്‍ വകയിരുത്തിയിരിക്കുന്നത്. കൊവിഡ് ബാധ സംസ്ഥാനത്ത് തുടരുന്ന കാലത്തോളം ഭക്ഷ്യകിറ്റ് നല്‍കുമെന്ന സൂചനയാമ് ബഡ്ജറ്റ് അവതരണത്തിലൂടെ ധനമന്ത്രി നല്‍കുന്നത്.
Summary:1060 crore budget for subsidies; The Finance Minister said that the distribution of food kits through ration shops will continue.
