വെൽഫെയർ പാർട്ടിയെക്കുറിച്ചുള്ള ചോദ്യം ചെയ്യലിൽ പൊട്ടിത്തെറിച്ച് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. മാധ്യമപ്രവർത്തകരെ കണ്ട് സംസാരിക്കുന്നതിന്റെ ഇടയിലാണ് മുല്ലപ്പള്ളി പൊട്ടിത്തെറിച്ചത്. ലൈഫ് മിഷൻ കേസിൻ ഉത്തരവ് വന്ന ശേഷം മാധ്യമങ്ങളെ കണ്ട് സംസാരിക്കുന്നതിന്റെ ഇടയിലാണ് വെൽഫെയർ പാർട്ടിയുമായി ബന്ധപ്പെട്ട ചോദ്യം ഒരു മാധ്യമപ്രവർത്തകൻ ചോദിച്ചത്. ചോദ്യം കേട്ട ഉടനെ മുല്ലപ്പള്ളി ക്ഷുഭിതനായി, അദ്ദേഹത്തിന് ദേഷ്യം അടക്കാനായില്ല.
ആര്‍ക്കുവേണ്ടിയാണ് ഇത്തരം ചോദ്യങ്ങള്‍ ചോദിക്കുന്നതെന്നും ഏതെങ്കിലും രാഷ്ട്രീയപാര്‍ട്ടികള്‍ക്ക് വേണ്ടിയാണോ എന്നും അദ്ദേഹം ചോദിച്ചു.
വെല്‍ഫയര്‍ വിഷയം അടഞ്ഞ അദ്ധ്യായമെന്ന് താങ്കള്‍ പറയുമ്ബോഴും താങ്കളുടെ പ്രസ്താവനയില്‍ വ്യക്തത കുറവുണ്ടെന്ന്
പറയപ്പെടുന്നുണ്ടല്ലോ എന്നായിരുന്നു മാധ്യമപ്രവര്‍ത്തകന്റെ ചോദ്യം. ഇതോടെ കെ പി സി സി അദ്ധ്യക്ഷന്‍ തന്റെ പതിവ് ഇംഗ്ലീഷിനെ കൂട്ടുപിടിച്ചു.’ പ്ലീസ്, ഡോണ്ട്. സ്റ്റോപ്പ് ഇറ്റ്. ആം സോറി. ഡോണ്ട് പ്രൊസീഡ് വിത്ത് ദാറ്റ്. സ്റ്റോപ്പ് ഇറ്റ്.’ എന്നായിരുന്നു മുല്ലപ്പള്ളിയുടെ പ്രതികരണം.
മാത്രമല്ല, ആര്‍ക്കുവേണ്ടിയാണ് ഇത്തരം ചോദ്യങ്ങള്‍ ചോദിക്കുന്നതെന്നും ഏതെങ്കിലും രാഷ്ട്രീയപാര്‍ട്ടികള്‍ക്ക് വേണ്ടിയാണോ എന്നും അദ്ദേഹം ചോദിച്ചു. ‘നിങ്ങള്‍ അതിനെകുറിച്ച്‌ കൂടുതല്‍ സംസാരിക്കേണ്ട. നിങ്ങള്‍ക്ക് എന്തെല്ലാം കാര്യം സംസാരിക്കാനുണ്ട്. ഒരു ഉത്തരവാദിത്തപ്പെട്ട ചാനല്‍ അല്ലേ നിങ്ങളുടെ ചാനല്‍. ചുമ്മ ആവശ്യമില്ലാത്ത കാര്യങ്ങള്‍ ഉന്നയിച്ചുകൊണ്ട് നിങ്ങള്‍ ആര്‍ക്ക് വേണ്ടിയിട്ടാണ് വന്നിരിക്കുന്നത്. പ്ലീസ് ടെല്‍ മീ. മാനേജ്‌മെന്റിന് വേണ്ടിയിട്ടാണോ ഏതെങ്കിലും രാഷ്ട്രീയ പാര്‍ട്ടിക്ക് വേണ്ടിയിട്ടാണോ?’ഏറ്റവും കൂടുതല്‍ ചര്‍ച്ച ചെയ്യപ്പെട്ട വിഷയം എന്നു പറഞ്ഞ് മറ്റൊരു മാധ്യമപ്രവര്‍ത്തകന്‍ സംസാരിക്കാന്‍ തുടങ്ങുന്നതിനിടെ മിണ്ടാതിരിക്കൂ നിങ്ങള്‍ എന്നു പറഞ്ഞ് മുല്ലപ്പള്ളി തന്റെ ക്ഷോഭം പ്രകടിപ്പിച്ചു.
Summary : KPCC president Mullappally Ramachandran was angry when questioning about the Welfare Party.
