കേരള ചലച്ചിത്ര അക്കാദമിയില് ജോലി ചെയ്യുന്ന ഇടതുപക്ഷക്കാരായ ജീവനക്കാരെ സ്ഥിരപ്പെടുത്തണം എന്നാവശ്യപ്പെട്ട് സംവീധായകൻ കമല് സര്ക്കാരിന് എഴുതിയ കത്ത് പ്രതിപക്ഷ നേതാവ് പുറത്ത് വിട്ടതിനെ തുടർന്ന് കമലിനെതിരെ രൂക്ഷ വിമർശനങ്ങളാണ് നടക്കുന്നത്. ചലച്ചിത്ര അക്കാദമിയുടെ തലപ്പത്തിരിക്കുന്ന കമലിനെപ്പോലുള്ള സാംസ്കാരിക നായകർ കേരളത്തിന് അപമാനമാണെന്ന് കെ.എസ്. ശബരീനാഥ് എം.എൽ.എ പറഞ്ഞു.
ഷെയിംഓണ്യുകമല് എന്ന ഹാഷ് ടാഗിലാണ് കുറിപ്പെഴുതിയിരിക്കുന്നത്. കുറിപ്പിന്റെ പൂര്ണരൂപം ചുവടെ ചേർക്കുന്നു.
ShameonyouKamal#
കമല് എന്ന സംവിധായകനെ ഞാന് ഇഷ്ടപെടുന്നു. അദ്ദേഹത്തിന്റെ സിനിമകളില് മാനുഷികമൂല്യങ്ങള് പ്രതിഫലിക്കുന്നു എന്നുള്ളതാണ് അദ്ദേഹത്തിന്റെ സവിശേഷത. എന്നാല് കമല് എന്ന ചലച്ചിത്ര അക്കാദമിയുടെ ചെയര്മാന് എല്ലാ മാനുഷികമൂല്യങ്ങളും കാറ്റില് പറത്തിക്കൊണ്ട് ഒരു കൂട്ടം ഇടതുപക്ഷ അനുഭാവികള്ക്ക് ചലച്ചിത്ര അക്കാഡമിയില് സ്ഥിരനിയമനം നല്കിയിരിക്കുകയാണ്.
സ്ഥിരനിയമനം ശുപാര്ശചെയ്ത അദ്ദേഹം മന്ത്രിക്ക് എഴുതിയ ഫയലിലെ വാക്കുകള് നമ്മള് ശ്രദ്ധിക്കണം… ‘ഇടതുപക്ഷാനുഭാവികളും ഇടതുപക്ഷ പുരോഗമന മൂല്യങ്ങളിലൂന്നിയ സാംസ്കാരിക പ്രവര്ത്തനരംഗത്ത് നിലകൊള്ളുന്നവരുമായ പ്രസ്തുത ജീവനക്കാരെ സ്ഥിരപ്പെടുത്തുന്നത് കേരളത്തിലെ സാംസ്കാരിക സ്ഥാപനങ്ങളില് സമുന്നതമായ സ്ഥാനമുള്ള ചലച്ചിത്ര അക്കാദമിയുടെ ഇടതുപക്ഷ സ്വഭാവം നിലനിര്ത്തുന്നതിന് സഹായകമായിരിക്കും’
PSC ജോലി കിട്ടാതെ യുവാക്കള് ആത്മഹത്യ ചെയ്യുമ്ബോള്, ലക്ഷക്കണക്കിന് യുവാക്കള് തെരുവുകളില് അലയുമ്ബോള് ഭരണകര്ത്താക്കളെ പ്രീതിപ്പെടുത്തുവാന് വേണ്ടി ഏതറ്റം വരെയും താഴുന്ന ഈ മോഡല് സാംസ്കാരിക നായകര് കേരളത്തിന് അപമാനമാണ്.
Summary : Cultural leaders like Director Kamal are an insult to Kerala; KS Sabrinathan MLA.