കൊറോണ ഭീതിയില്‍ ഒരു വര്‍ഷക്കാലമായി അടച്ചിട്ടിരുന്ന തിയ്യേറ്ററുകള്‍ ഈ മാസം തുറന്ന് പ്രവര്‍ത്തിക്കുന്നതിന്റെ ഭാഗമായി ജനുവരി മുതല്‍ മാര്‍ച്ച് വരെയുള്ള മാസങ്ങളില്‍ സിനിമാ തിയ്യേറ്ററുകളുടെ വിനോദ നികുതി ഒഴിവാക്കാല്‍ സംസ്ഥാന സര്‍ക്കാര്‍ തീരുമാനിച്ചു. മുഖ്യമന്ത്രി പിണറായി വിജയന്റെ അദ്ധ്യക്ഷതയില്‍ ചേര്‍ന്ന യോഗത്തിലാണ് തീരുമാനമായത്.
സംസ്ഥാനത്ത് തിയ്യേറ്ററുകള്‍ പത്ത് മാസം അടഞ്ഞ് കിടന്നതിനാല്‍ ഈ മാസങ്ങളിലെ വൈദ്യുതി ഫിക്‌സ്ഡ് ചാര്‍ജ് 50 ശതമാനമാക്കി കുറയ്ക്കും. ബാക്കിയുള്ള തുക ഗഡുക്കളായി കുറയ്ക്കാന്‍ അനുവദിക്കും. 2020 മാര്‍ച്ച് 31 നുള്ളില്‍ തിയ്യേറ്ററുകള്‍ തദ്ദേശ സ്ഥാപനങ്ങളില്‍ കൊടുക്കേണ്ട വസ്തു നികുതി മാസങ്ങളായി അടയ്ക്കാം.
കേരള ഫിലിം ചേംബര്‍ ഓഫ് കൊമേഴ്‌സ് ഭാരവാഹികള്‍ വിവിധ ആവശ്യങ്ങള്‍ ഉന്നയിച്ച് മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തിയിരുന്നു. തുടര്‍ന്ന് മുഖ്യമന്ത്രിയുടെ അദ്ധ്യക്ഷതയില്‍ വൈദ്യുതവകുപ്പ് എംഎം മണി, തദ്ദേശസ്വയംഭരണ വകുപ്പ് മന്ത്രി എസി മൊയ്തീന്‍, കെ.എസ്.ഇ.ബി ചെയര്‍മാന്‍ എസ്. എസ് പിള്ള, തുടങ്ങിയവര്‍ പങ്കെടുത്ത യോഗത്തിലാണ് തീരുമാനം.
പ്രൊഫഷ്ണല്‍ നികുതിയുടെ കാര്യത്തില്‍ തീരുമാനമെടുക്കാന്‍ സംസ്ഥാന സര്‍ക്കാരിന് സാധിക്കില്ല. തദ്ദേശ സ്വയംഭരണം, ഇലക്്ട്രിക്കല്‍ ഇന്‍സ്‌പെക്ടറേറ്റ്, ഫിലിംസ് ഡിവിഷന്‍, ബില്‍ഡിംഗ് ഫിറ്റ്‌നസ്, ആരോഗ്യം ഫയര്‍ഫോഴ്‌സ് എന്നിവയുമായി ബന്ധപ്പെട്ട വിവധ ലൈസന്‍സുകളുടെ കാലാവധി മാര്‍ച്ച് 31 വരെ ദീര്‍ഘിപ്പിക്കാനും തീരുമാനിച്ചു.
Summary : The state government has decided to waive the entertainment tax on cinema theaters and give concessions on the electricity bill.
