പാലക്കാട് നഗരസഭ പിടിച്ചെടുത്ത ബിജെപി പ്രവർത്തകർ നഗരസഭാ കെട്ടിടത്തിന് മുകളിൽ ജയ് ശ്രീറാം ബോർഡ് ഉയർത്തിയതിന് പിന്നാലെ ഗാന്ധി പ്രതിമയുടെ കഴുത്തിൽ ബിജെപി കൊടി കെട്ടിയത് വിവാദമാകുന്നു.പാലക്കാട് നഗരസഭ വളപ്പിലെ രാഷ്ട്രപിതാവിന്റെ അർധകായ പ്രതിമയുടെ കഴുത്തിലാണ് ബിജെപി പ്രവർത്തകർ കൊടി കെട്ടിയത്.
ഇന്നാ രാവിലെയാണ് നഗരസഭാ ജീവനക്കാരുടെ ശ്രദ്ധയിൽ കൊടി കെട്ടിയിട്ടുള്ള കാര്യം പെടുന്നത്. അതേ തുടർന്ന് വിവരമറിഞ്ഞ് സ്ഥലത്തെത്തിയ പോലീസുകാർ കൊടി നീക്കം ചെയ്തു. രാഷ്ട്രപിതാവിനെ ബിജെപി അപമാനിച്ചു എന്നാരോപിച്ച്‌ കോണ്‍ഗ്രസും സിപിഎമ്മും സംഭവത്തിനെതിരെ പ്രതിഷേധവുമായി എത്തിയെങ്കലും സംഭവത്തില്‍ ബിജെപി നേതൃത്വം ഇതു വരെ പ്രതികരിച്ചിട്ടില്ല.
സംഭവത്തെ തുടർന്ന് സോഷ്യല്‍ മീഡിയയില്‍ ഉള്‍പ്പടെ പ്രതിഷേധമുയരുന്നുണ്ട്. സംഭവത്തില്‍ യൂത്ത് കോണ്‍ഗ്രസ്, ഡിവൈഎഫ്‌ഐ, കെഎസ്‌യു പ്രവര്‍ത്തകര്‍ പ്രതിഷേധം സംഘടിപ്പിച്ചു. മനപ്പൂര്‍വ്വം പ്രകോപനം സൃഷ്ടിച്ച്‌ സംഘര്‍ഷം സൃഷ്ടിക്കാനാണ് ഇത്തരം പ്രവൃത്തികളിലൂടെ ബി ജെ പി ശ്രമിക്കുന്നതെന്നാണ് സിപിഎമ്മും കോണ്‍ഗ്രസും ആരോപിച്ചു.
Summary : The BJP’s flag hoisting of the Gandhi statue after the Jai Shriram board was hoisted on top of the Nagarasabha building in Palakkad is controversial.
