സംസ്ഥാനത്ത് 133 കേന്ദ്രങ്ങളിൽ കോവിഡ് വാക്സിൻ വിതരണം ചെയ്യും. നിലവിലെ സാഹചര്യത്തിൽ ഓരോ കേന്ദ്രത്തിലും നൂറ് പേർക്കാണ് വാക്സിൻ വിതരണം ചെയ്യുന്നത്. എറണാകുളത്ത് 12, തിരുവനന്തപുരത്തും കോഴിക്കോടും 11 , മറ്റു ജില്ലകളില്‍ ഒന്‍പതു കേന്ദ്രങ്ങളിലുമാണ് വാക്സിന്‍ വിതരണം ചെയ്യുക.
ഈ മാസം 16 ന് സംസ്ഥാനത്ത് 13,300 പേർക്ക് വാക്സിൻ നൽകും. 3,54,897 പേരാണ് വാക്സിനായി ഇതുവരെ സംസ്ഥാനത്ത് രജിസ്റ്റര്‍ ചെയ്തത്. ഓണ്‍ലൈന്‍ വഴി രജിസ്റ്റര്‍ ചെയ്തവര്‍ക്കാണ് വാക്സിന്‍ നല്‍കുക. ഇവരുടെ മൊബൈല്‍ ഫോണിലേക്ക് വാക്സിന്‍ എടുക്കാന്‍ വരേണ്ട ദിവസവും സമയവും എസ്‌എംഎസിലൂടെ അറിയിക്കും .കൈയിലാണ് വാക്സിന്‍ എടുക്കുന്നതെങ്കില്‍ ഒരാള്‍ക്ക് അഞ്ചു മിനിറ്റ് വേണ്ടി വരും. വാക്സിന്‍ കേന്ദ്രത്തില്‍ ഒരു ഡോക്ടറടക്കം അഞ്ച് ആരോഗ്യപ്രവര്‍ത്തകരുണ്ടാകും.
വാക്സിന്‍ നല്‍കിയശേഷം 30 മിനിറ്റ് ഇവരെ നിരീക്ഷിക്കും. ഒരാള്‍ക്ക് ഒരു വാക്സിന്‍റെ രണ്ട് ഡോസാണ് കുത്തിവയ്ക്കുന്നത്. ആദ്യ കുത്തിവയ്പ് കഴിഞ്ഞ് നാല് ആഴ്ച കഴിഞ്ഞ് രണ്ടാമത്തെ കുത്തിവയ്പ് നടത്തും.
Summary : On the 16th of this month, the Covid vaccine will be distributed to 13,300 people in 133 centers across the state.
