ഇന്തോനേഷ്യയിൽ കാണാതായ വിമാനം തകർന്ന് കടലിൽ വീണു; ജാവ കടലിൽ നിന്നും വിമാനത്തിന്റെ അവശിഷ്ടങ്ങളും യാത്രക്കാരുടെ ശരീര ഭാഗങ്ങളും കണ്ടെത്തി; സ്പോടനത്തിനുള്ള കാരണങ്ങൾ അവ്യക്തം.

കഴിഞ്ഞ ദിവസം ഇന്തോനേഷ്യയിലെ ജക്കാർത്തയിൽ നിന്നും പുറപ്പെട്ട് മിനിറ്റുകൾക്കുള്ളിൽ കാണാതായ ​ശ്രീവിജയ എയര്‍ കമ്ബനിയുടെ ബോയിങ്​ 737-500 വിമാനം പറന്നുയർന്നതിനിടെ തീഗോളമായി കടലില്‍ പതിച്ചു. ജാവ കടലിലുടനീളം ഒഴുകിനടക്കുന്നതിപ്പോള്‍ മനുഷ്യ ശരീര ഭാഗങ്ങളും വസ്​ത്രങ്ങളും വിമാനാവശിഷ്​ടങ്ങളുമാണ്​.

സോനാര്‍ ഉപകരണം ഉപയോഗിച്ചുള്ള തെരച്ചിലില്‍ വിമാനത്തില്‍നിന്നുള്ള സിഗ്​നലുകള്‍ കടലിനടിയില്‍ നിന്ന്​ ലഭിച്ചത്​ ​നേരിയ പ്രതീക്ഷ പകര്‍ന്നെങ്കിലും പിന്നീട്​ കണ്ടെത്തിയതെല്ലാം ഇന്തോനേഷ്യന്‍ ജനതയുടെ കണ്ണ്​ നിറക്കുന്നതായിരുന്നു. ശനിയാഴ്ച ഉച്ചയോടെ ജക്കാർത്തയിൽ നിന്നും 62ഓളം പേരുമായി യാത്ര പുറപ്പെട്ട വിമാനത്തിന് പിന്നീട് എന്ത് സംഭവിച്ചു എന്ന് ഇതു വരെ കണ്ടെത്താനായിട്ടില്ല.

ദുരന്ത സമയം ആകാശത്ത്​ ഒരു വന്‍സ്​ഫോടന ശബ്​ദം കേട്ടതായി വടക്കന്‍ ജക്കാര്‍ത്തക്കു സമീപമുള്ള ‘ആയിരം ദ്വീപുകളി’ല്‍ ആസമയമുണ്ടായിരുന്ന മത്സ്യബന്ധന തൊഴിലാളികള്‍ അറിയിച്ചിരുന്നു. തൊട്ടുപിറകെ കടലില്‍ വന്‍ തിരമാല കൂടി ആഞ്ഞടിച്ചതോടെ സൂനാമിയോ ബോംബ്​ സ്​ഫോടനമോ ആകാമെന്ന്​ കരുതി ഭയന്നുപോയവര്‍ പിന്നെ കേള്‍ക്കുന്നത്​ വിമാന ദുരന്തത്തെ കുറിച്ചാണ്​.

ഇന്നലെ ഉച്ച സമയത്ത് ജക്കാർത്തയിൽ കനത്ത മഴയും മോശം കാലാവസ്​ഥയുമായിരുന്നു. പിന്നിട് കടലിലൂടെ ഒഴുകിയെത്തിയ വിമാനാവശിഷ്​ടങ്ങളും ഇന്ധനവും കണ്ടു. യാത്രക്കാരുടെതെന്ന്​ കരുതുന്ന വസ്​ത്രങ്ങളും പരന്നുകിടക്കുന്നുണ്ട്​. ഇന്നലെ ഒരു മണിക്കൂർ വൈകിയാണ് വിമാനം പറന്നുയർന്നത്. 29,000 അടി ഉയരത്തിലേക്ക്​ പറന്ന്​ കയറുകയാണെന്ന്​ വൈമാനികന്‍ അറിയിച്ച്‌ നിമിഷങ്ങള്‍ക്കകം എല്ലാം സമഭവിച്ചു. 10,000 അടി ഉയരത്തിലായിരുന്നു ദുരന്ത സമയ​ത്ത്​ വിമാനമെന്നാണ്​ ഒടുവിലെ സൂചനകള്‍.

മൂന്ന്​ ചെറിയ കുട്ടികളും ഏഴ്​ മുതിര്‍ന്ന കുട്ടികളുമുള്‍പെടെ 62 പേരാണ്​ വിമാനത്തിലുണ്ടായിരുന്നത്​. അമേരിക്കയിലെ ഒരു വിമാനക്കമ്പനി ഉപയോഗിച്ച വിമാനം അടുത്തിടെ സ്വന്തമാക്കിയതാണെന്നും പരിശോധനകള്‍ പൂര്‍ത്തിയാക്കി യാത്രക്ക്​ യോഗ്യമെന്ന്​ ഉറപ്പുവരുത്തിയതാണെന്നും ശ്രീവിജയ എയര്‍ പ്രസിഡന്‍റ്​ ജെഫേഴ്​സണ്‍ ​ജൊവേന പറഞ്ഞു.

2018 ഒക്​ടോബറിലാണ്​ ബോയിങ്​ കമ്പനിയുടെ 737 മാക്​സ്​ വിമാനം 189 പേരുമായി തകര്‍ന്നുവീണത്​. അഞ്ചു മാസംകഴിഞ്ഞ്​ സമാന വിമാനം എത്യോപ്യയില്‍ തകര്‍ന്നുവീണും നിരവധി പേര്‍ ദുരന്തത്തിനിരയായി. ബോയിങ്​ കമ്പനിയുടെ വിമാന ദുരന്തങ്ങൾ ഇപ്പോൽ ഏറി വരികയാണ്.

Summary: Missing plane crashes in Indonesia; The wreckage of the plane and the body parts of the passengers were found in the Java Sea; The cause of the explosion is unclear.