ലഡാക്കില് ഇന്ത്യ-ചൈന അതിര്ത്തിയിലെ സംഘര്ഷ സാഹചര്യം സംബന്ധിച്ച സൈനിക, നയതന്ത്ര തല ചര്ച്ചകളില് ഒരുവിധത്തിലുമുള്ള പരിഹാരവും ഉണ്ടായിട്ടില്ലെന്ന് പ്രതിരോധ മന്ത്രി രാജ്നാഥ് സിങ്. വിഷയത്തില് യാതൊരു മാറ്റവുമില്ലാതെ തല്സ്ഥിതി തുടരുകയാണ്. ഇത്തരമൊരു സാഹചര്യത്തില് മേഖലയിലെ സൈനിക വിന്യാസം കുറയ്ക്കാന് സാധിക്കില്ലെന്നും വാര്ത്താ ഏജന്സി എഎല്ഐക്ക് നല്കിയ അഭിമുഖത്തില് അദ്ദേഹം വ്യക്തമാക്കി.
അതോടൊപ്പം തന്നെ ഇന്ത്യ-ചൈന അതിര്ത്തിയിലെ സംഘര്ഷാവസ്ഥ ലഘൂകരിക്കാന് സൈനിക നയതന്ത്ര തലങ്ങളില് ചര്ച്ചകള് നടന്നു വരുന്നുണ്ടെന്നും ഈ മാസം ആദ്യം ചര്ച്ചകള് ഓണ്ലൈന് ആയി നടന്നുവെന്നും അടുത്ത ഘട്ട ചര്ച്ച വൈകാതെ തന്നെ ഉടന് ഉണ്ടാകുമെന്നും എന്നാല് ഇതുവരെ അര്ത്ഥപൂണ്ണമായ ഒരു ഫലവും ഉണ്ടായിട്ടില്ലെന്നും അദ്ദേഹം പറഞ്ഞു.
മാത്രമല്ല ഇന്ത്യയും ചൈനയും തമ്മില് സന്ദേശ വിനിമയങ്ങള് നടക്കുന്നുണ്ടെന്നും ചര്ച്ചകള് തുടരാനാണ് ഇരു രാജ്യങ്ങളും ആഗ്രഹിക്കുന്നതെന്നും എന്നാല് ഇന്ത്യയുടെ ആത്മാഭിമാനത്തെ മുറിവേല്പ്പിക്കുന്ന ഒരു കാര്യത്തേയും ഇന്ത്യ വച്ചുപൊറുപ്പിക്കില്ലെന്നും അദ്ദേഹം കൂട്ടിച്ചേര്ത്തു. ഇന്ത്യ മരിയാദയോടെ ഇടപെടുന്നതിന്റെ അര്ത്ഥം നമ്മുടെ അഭിമാനത്തിന് നേര്ക്ക് ആക്രമണം നടത്താമെന്നോ അതിന് നാം നിശബ്ദമായി നോക്കിക്കൊണ്ടിരിക്കണമെന്നോ അല്ലെന്നും രാജ്നാഥ് സിംങ് പറഞ്ഞു.
Summary : There was no solution in the diplomatic talks; Talks will go ahead but India will not tolerate things that hurt India’s self-esteem: Rajnath Singh .