കേന്ദ്ര സര്ക്കാരിന്റെ കാര്ഷിക നയങ്ങള്ക്കെതിരെ കര്ഷകരെ പിന്തുണച്ച് ലണ്ടനില് വന് പ്രതിഷേധം. ‘ഞങ്ങള് പഞ്ചാബിലെ കര്ഷകര്ക്കൊപ്പം നില്ക്കുന്നു’ എന്ന മുദ്രാവാക്യവും പ്ലക്കാര്ഡുകളും ഉയര്ത്തിപ്പിടിച്ച് ഓള്ഡ്വിച്ചിലെ ഇന്ത്യന് എംബസിക്ക് സമീപം ഒത്തുകൂടിയാണ് പ്രതിഷേധക്കാര് പ്രകടനം നടത്തിയത്. ബ്രിട്ടനിലെ സിക്കുകാര് അടക്കമുള്ളവര് പ്രതിഷേധത്തില് പങ്ക് ചേര്ന്നിരുന്നു. ഇവരെ കോവിഡ് മാനദണ്ഡങ്ങള് പാലിച്ചില്ലെന്ന ചൂണ്ടിക്കാട്ടി പോലീസ് അറസ്റ്റ് ചെയ്തു.
ലണ്ടനില് കര്ശനമായ കോവിഡ് നിയന്ത്രണങ്ങള് നിലവിലുള്ളതിനാല് മുപ്പതിലധികം പേര് ഒത്തുകൂടിയാല് അറസ്റ്റും പിഴയും ഉണ്ടാവുമെന്ന് പേലീസ് പ്രതിഷേധക്കാര്ക്ക് മുന്നറിയിപ്പു നല്കിയിട്ടും പ്രതിഷേധത്തില് നിന്നും പിന്മാറാന് സമരക്കാര് വഴങ്ങിയില്ല.
പ്രത്യേക അനുമതിയില്ലാതെ ആയിരങ്ങളുടെ ഈ ഒത്തുചേരല് എങ്ങനെ നടന്നുവെന്നത് അടക്കമുളള പ്രശ്നങ്ങള് അന്വേഷിച്ച് കണ്ടെത്തുമെന്ന് ഇന്ത്യന് ഹൈക്കമ്മിഷന് വക്താവ് മാദ്ധ്യമങ്ങളോട് പറഞ്ഞു. ഇന്ത്യയിലെ കര്ഷക പ്രതിഷേധം അവസരമായി ഉപയോഗിച്ച ഇന്ത്യാ വിരുദ്ധ വിഘടനവാദികളാണ് പ്രതിഷേധത്തിന് നേതൃത്വം നല്കിയതെന്നാണ് അദ്ദേഹം പറയുന്നത്. ഇന്ത്യയിലെ കര്ഷകരെ പ്രത്യക്ഷത്തില് പിന്തുണച്ച് പ്രതിഷേധക്കാര് ഇന്ത്യാ വിരുദ്ധ അജണ്ട പിന്തുടരാനുളള അവസരമായി ഉപയോഗിച്ചു. ഇന്ത്യയിലെ കാര്ഷിക ബില്ലുകള്ക്കെതിരായ പ്രതിഷേധം രാജ്യത്തിന്റെ ആഭ്യന്തര പ്രശ്നമാണെന്ന് ഹൈക്കമ്മിഷന് വക്താവ് വ്യക്തമാക്കി.
Summary : Massive protest in London against the Central Government’s Agriculture Bill: High Commission blames anti-India separatists