കേന്ദ്ര സര്‍ക്കാരും കാര്‍ഷിക നിയമങ്ങള്‍ക്കെതിരെ സമരം ചെയ്യുന്ന കര്‍ഷകരും തമ്മിലെ അഞ്ചാംഘട്ട ചര്‍ച്ച ഇന്ന്. ഇന്നത്തെ യോഗത്തില്‍ തീരുമാനമായില്ലെങ്കില്‍ സര്‍ക്കാരിനെ സമ്മര്‍ദ്ദത്തിലാക്കി പാര്‍ലമെന്റ് വളയുമെന്നാണ് പ്രഖ്യാപനം. അതോടൊപ്പം തന്നെ പ്രധാനമന്ത്രിയുടെ കോലം കത്തിക്കാനും ആഹ്വാനം ചെയ്തിട്ടുണ്ട്.
ദില്ലി അതിര്‍ത്തിയില്‍ കഴിഞ്ഞ ഒന്‍പത് ദിവസങ്ങളായി കര്‍ഷകര്‍ റോഡില്‍ നടത്തുന്ന പ്രതിഷേധ സമരം കൂടുതല്‍ ശക്തി പ്രാപിക്കുകയാണ്. കാര്‍ഷിക നിയമം പിന്‍വലിക്കണമെന്ന ആവശ്യത്തില്‍ നിന്നും മാറാതെ നില്‍ക്കുകയാണ്. താങ്ങുവിലയുടെ കാര്യത്തില്‍ സര്‍ക്കാരിന്റെ സര്‍ക്കാരിന്റെ വാദങ്ങളെ കര്‍ഷകര്‍ മുഖവിലയ്‌ക്കെടുക്കുന്നുമില്ല. എന്നാല്‍ കര്‍ഷകരുടെ ചില ആവശ്യങ്ങള്‍ക്ക് അനുകൂല ചിന്ത സര്‍ക്കാരിനുണ്ട്.
വിഷയത്തില്‍ പ്രധാനമന്ത്രി വിമര്‍ശിച്ച് രാഹുല്‍ ഗാന്ധി വീണ്ടും രംഗത്തെത്തി. താങ്ങുവില, എ.പി.എം.സി വിഷയങ്ങളില്‍ ബീഹാറില്‍ കര്‍ഷകരെ വെട്ടിലാക്കിയ പ്രധാനമന്ത്രി രാജ്യത്തെ ഒന്നാകെ ഇപ്പോള്‍ കുഴിയിലേക്ക് തള്ളിയിട്ടിരിക്കുകയാണെന്നും കുറ്റപ്പെടുത്തി.
ഏറെ ദിവസങ്ങളായി രാജ്യ തലസ്ഥാനം ഗതാഗത കുരുക്കിലാണ്. യാത്രക്കാര്‍ ബദല്‍ മാര്‍ഗങ്ങള്‍ തേടണമെന്ന് പൊലീസ് അഭ്യര്‍ഥിച്ചു.
Summary : The peasants decided to encircle the Central Government
