മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിനെ ഡോളര്‍ കടത്തു കേസിലും പ്രതിചേര്‍ത്തു.
നയതന്ത്രപാഴ്‌സല്‍ സ്വര്‍ണ്ണക്കടത്തിനും ഡോളര്‍ക്കടത്തിനും പിന്നില്‍ വമ്പന്‍ സ്രാവുകളുണ്ടെന്ന് സ്വപ്‌ന സുരേഷും സരിത്തും മൊഴി നല്‍കിയിരുന്നു. മാത്രമല്ല ശിവശങ്കറിന് ഡോളര്‍ക്കടത്ത് കൈസിലുള്ള പങ്കും സ്വപ്‌ന വെളിപ്പെടുത്തുകയും ചെയ്തു. ശിവശങ്കറിനൊപ്പം നാലുതവണ യാത്രചെയ്തപ്പോള്‍ ഡോളര്‍ കടത്തിയിട്ടുണ്ടന്ന് സ്വപന സുരേഷ് ഉള്‍പ്പെടെയുള്ളവര്‍ മൊഴി നല്‍കിയിരുന്നു. ഡോളര്‍ കടത്തുന്ന കാര്യം ശിവശങ്കറിന് അറിയാമായിരുന്നുവെന്നും പണം വിദേശത്ത് നിക്ഷേപിക്കാന്‍ ആണെന്നും ശിവശങ്കറിനോട് പറഞ്ഞിട്ടുണ്ടെന്നുമാണ് സ്വപ്നയുടെ മൊഴി.
ഇന്ത്യന്‍ കറന്‍സി ഡോളറാക്കി മാറ്റാന്‍ ശിവശങ്കറിന്റെ ഇടപെടല്‍ ഉണ്ടായിട്ടുണ്ടെന്നാണ് കസ്റ്റംസിന് ലഭിച്ച വിവരം. എന്നാല്‍, സ്വപ്നയുടെ മൊഴികള്‍ ശിവശങ്കര്‍ നിഷേധിക്കുകയാണ്. ഡോളര്‍ക്കടത്തിലും തനിക്ക് പങ്കില്ലെന്നാണ് ശിവശങ്കറിന്റെ നിലപാട്.
ശിവശങ്കറിനെതിരെയുള്ള കസ്റ്റംസിന്റെ രണ്ടാമത്തെ കേസാണ് ഇത്. സ്വര്‍ണക്കടത്ത് കേസില്‍ 23-ാം പ്രതിയാണ് ശിവശങ്കര്‍.
Summary : m sivasankar added as accused in dollar smuggling case
