വിവാദ കാര്‍ഷിക നിയമം പിന്‍വലിക്കണമെന്ന് ആവശ്യപ്പെട്ടുള്ള കര്‍ഷകരുടെ ദേശീയ പ്രക്ഷോഭം ഏഴാം ദിവസവും തുടരുന്നു. ഡല്‍ഹി അതിര്‍ത്തികള്‍ സ്തംഭിപ്പിച്ചുകൊണ്ടാണ് കര്‍ഷകരുടെ സമരംതുടരുന്നത്. കര്‍ഷക നേതാക്കളുമായി ഇന്നലെ കേന്ദ്രസര്‍ക്കാര്‍ നടത്തിയ പരാജയപ്പെട്ടിരുന്നു.
മൂന്നു വിവാദ നിയമങ്ങളും പിന്‍വലിക്കുക തന്നെ വേണമെന്ന് കര്‍ഷകര്‍ ഉറച്ച നിലപാടെടുത്തതോടെ കേന്ദ്ര സര്‍ക്കാരുമായുള്ള ചര്‍ച്ച പരാജയപ്പെട്ടു. പരാതികള്‍ പിന്‍വലിക്കാന്‍ അഞ്ചംഗ ഉന്നതതല സമിതിയെ നിയോഗിക്കാമെന്ന്ു മാത്രമായിരുന്നു സര്‍ക്കാരിന്റെ വാഗ്ദാനം. നാളെ വണ്ടും ചര്‍ച്ച നടത്താമെന്നു കേന്ദ്രം അറിയിച്ചെങ്കിലും നിയമങ്ങള്‍ പിന്‍വലിക്കുന്നത് സംബന്ധിച്ചല്ലാതെ ഒരു ചര്‍ച്ചക്കുമില്ലെന്ന് നേതാക്കള്‍ മറുപടി നല്‍കി. നിയമങ്ങള്‍ തല്‍ക്കാലം മരവിപ്പിക്കാന്‍ ഓര്‍ഡിനന്‍സ് ഇറക്കാമെന്ന കേന്ദ്ര വാഗ്ദാനവും തള്ളി.
പ്രക്ഷോഭം ശക്തമാക്കുമെന്നു വ്യക്തമാക്കിയാണു കര്‍ഷക നേതാക്കള്‍ മടങ്ങിയത്. രണ്ടര ലക്ഷത്തോളം കര്‍ഷകര്‍ ഡല്‍ഹി അതിര്‍ത്തിയില്‍ ഉണ്ട്. ഹരിയാന-ഡല്‍ഹി അതിര്‍ത്തിയിലെ സിംഘുവില്‍ 14 കിലോമീറ്ററും തിക്രിയില്‍ 11 കിലോമീറ്ററും നീളത്തില്‍ ദേശീയ പാതയില്‍ കര്‍ഷകര്‍ തമ്പടിച്ചിരിക്കുകയാണ്. യു.പി-ഡല്‍ഹി അതിര്‍ത്തിയിലെ ഗാന്ധിപ്പൂരിലും ആയിരക്കണക്കിനു പേരുണ്ട്. നാളെ വ്യപകമായയി വഴി തടയല്‍ സമരം നടത്തുമെന്നും കിസാന്‍ സഭ അറിയിച്ചു.
നിയമം പൂര്‍ണമായി പിന്‍വലിക്കണം എന്ന നിലപാടില്‍ ഉറച്ചുനില്‍ക്കുകയാണ് കര്‍ഷകര്‍. ദില്ലിയില്‍ പ്രക്ഷോഭ രംഗത്തുള്ള കര്‍ഷക സംഘടനകളുമായി കേന്ദ്ര സര്‍ക്കാര്‍ നടത്തിയ ചര്‍ച്ച ഇന്നലെ പരാജയപ്പെട്ട സാഹചര്യത്തിലാണ് പുതിയൊരു ചര്‍ച്ചക്ക് ഒരുങ്ങുന്നത്.
Summary : Indian farmers reject government offer for talks
