കെ.എസ്.എഫ്.ഇ യിലെ വിജിലന്സ് റെയ്ഡ് നടന്നത് വിജിലന്സ് സെക്രട്ടറി സഞ്ജയ്കൗളിന്റെ അറിവോടെയാണെന്ന ഞെട്ടിക്കുന്ന വിവരങ്ങളാണിപ്പോള് പുറത്തുവന്നുകൊണ്ടിരിക്കുന്നത്. ഇതോടെ ഉപഭോക്താക്കള്ക്ക് കെഎസ്ഇബിയില് ഉള്ള വിശ്വാസം നഷ്ടമാകുന്നു.
ദിവസങ്ങള് നീണ്ട രഹസ്യപരിശോധനയില് ക്രമക്കേടുകള് പൂര്ണ ബോധ്യമായതിനു ശേഷംമാണ് വിജിലന്സ് വെള്ളിയാഴ്ച റെയ്ഡ് നടത്തിയത്.
കെ.എസ്.എഫ്.ഇയുടെ നിലനില്പിനെത്തന്നെ ബാധിക്കുന്ന ക്രമക്കേടെന്ന ആമുഖത്തോടെയാണ് മിന്നല് പരിശോധനയ്ക്ക് വിജിലന്സ് ആസ്ഥാനത്തു നിന്നും നിര്ദേശമെത്തിയത്. ക്രമക്കേടുകളെ കുറിച്ചുള്ള രഹസ്യ വിവരത്തിന്റെ അടിസ്ഥാനത്തില് നടന്ന പരിശോധനയ്ക്ക് ശേഷമാണ് മിന്നല് പരിശോധനയിലേക്ക് കടന്നത്. കൂടുതല് ക്രമക്കേടു നടന്നെന്നു ബോധ്യപ്പെട്ട ശാഖകളെയാണ് പരിശോധനയ്ക്ക് തെരഞ്ഞെടുത്തതും.
ചിട്ടിപ്പണം ട്രഷറിയില് നിക്ഷേപിക്കുന്നില്ല, ചിട്ടിയില് ക്രമക്കേട് നടത്തുന്നു, ബെനാമി പേരുകളില് ഉദ്യോഗസ്ഥന്മാര് ചിട്ടി പിടിയ്ക്കുന്നു, പൊള്ളച്ചിട്ടി നടത്തുന്നു, ചിട്ടിയിലൂടെ ചിലര് കള്ളപ്പണം വെളുപ്പിക്കുന്നു, തുടങ്ങിയ അഞ്ച് ക്രമക്കേടുകള് ബോധ്യപ്പെട്ടതായി യൂണിറ്റുകള്ക്ക് കൈമാറിയ റെയ്ഡ് ഉത്തരവില് പ്രത്യേകം പരാമര്ശിക്കുന്നുണ്ട്.
You must be logged in to post a comment Login