നെയ്യാര്‍ ഡാം പോലീസ് സ്റ്റേഷനില് പരാതി നല്‍കാന്‍ എത്തിയ പരാതിക്കാരനോടും മകളോടും മോശമായി പെരുമാറിയ എഎസ്ഐ ഗോപകുമാറിനെതിരെ ആഞ്ഞടിച്ച് ക്രൈം. കഴിഞ്ഞ ദിവസങ്ങളില്‍ പോലീസുകാരന്‍ പരാതിക്കാരനോട് മോശമായി പെരുമാറുന്നതിന്റെ വിഡിയോ വൈറലായിരുന്നു.
മകളുടെ മുന്നില്‍ വച്ചാണ് കുടുംബ പ്രശ്നങ്ങളുമായി ബന്ധപ്പെട്ട പരാതി നല്‍കാന്‍ എത്തിയ കള്ളിക്കാട് സ്വദേശി സുദേവനോട് എഎസ്ഐ മോശമായി പെരുമാറിയത്. വിഡിയോ വൈറലായതോടെ പൊലീസുകാരനെ സ്ഥലം മാറ്റിയിരുന്നു. ഡിജിപി ഇടപെട്ടാണ് സ്ഥലം മാറ്റിയത്.
ഞായറാഴ്ചയാണ് സുദേവന്‍ ആദ്യം പരാതി നല്‍കിയത്. അന്ന് പൊലീസ് വിവരങ്ങള്‍ തേടി. എന്നാല്‍ കേസില്‍ തുടര്‍നടപടികളൊന്നും ഉണ്ടാകാത്ത സാഹചര്യത്തിലാണ് പിറ്റേന്ന് വീണ്ടും സുദേവന്‍ സ്റ്റേഷനിലെത്തിയത്. കേസുമായി ബന്ധപ്പെട്ട കാര്യങ്ങള്‍ സംസാരിക്കുന്നതിനിടെ ഗ്രേഡ് എസ്എഐ ഗോപകുമാര്‍ സുദേവനോട് തട്ടിക്കയറി.
മദ്യലഹരിയിലാണെന്ന് പറഞ്ഞായിരുന്നു പൊലീസുകാരന്‍ സുദേവനെ ആക്ഷേപിച്ചത്.
‘പരാതി കേള്‍ക്കാന്‍ ഞങ്ങള്‍ക്ക് സൗകര്യമില്ല. നിന്റെ അച്ഛന്‍ മദ്യപിച്ചിട്ടുണ്ട്. നിന്റെ അച്ഛന്‍ വരുമ്പോള്‍ ഊതിക്കാന്‍ ഞാന്‍ സാധനവും കൊണ്ട് ഇരിക്കാം. പൊലീസ് സ്റ്റേഷന്‍ ഇങ്ങനെ തന്നെയാണ്. പരാതി നോക്കാന്‍ മനസില്ല. ഞങ്ങള്‍ അനാവശ്യം പറയും. നീ വേറെ പോലീസ് സ്റ്റേഷനില് പോടെയ്. ഭീഷണിപ്പെടുത്തും. അടിക്കാന്‍ വരും. ഇങ്ങനെയേ പറ്റൂ” – പോലീസുകാരന്‍ ഭീഷണി മുഴക്കി.
ഇതിന്റെ ദൃശ്യങ്ങള്‍ സമൂഹികമാധ്യമങ്ങളില്‍ പ്രചരിച്ചതോടെയാണ് പൊലീസ് മേധാവി തന്നെ ഇടപെട്ട് ഗ്രേഡ് എഎസ്ഐ ഗോപകുമാറിനെ അടിയന്തിരമായി സ്ഥലമാറ്റിയത്.
You must be logged in to post a comment Login