മലയാളി മണ്ണ് വാരിത്തിന്നാലും ബിജെപിയ്ക്ക് വോട്ട് ചെയ്യില്ലെന്ന് ഗതാഗത മന്ത്രി ഗണേഷ് കുമാര്. പേടിപ്പിച്ച് മലയാളികളുടെ വോട്ട് പിടിക്കാമെന്ന് ആരും കരുതേണ്ടെന്നും ഗണേഷ് കുമാർ. ബിജെപിയ്ക്കെതിരെ ഇന്ത്യയില് പോരാടാന് കരുത്തുള്ളത് ഇടതുപക്ഷത്തിന് മാത്രമാണെന്ന് അദ്ദേഹം പറഞ്ഞു. വിരട്ടുന്നവന് വോട്ട് ചെയ്യില്ല, അതാണ് മലയാളി. പണത്തിന്റെ കൊഴുപ്പാണ് ബിജെപിയ്ക്ക്. തിരുവനന്തപുരത്ത് മത്സരിക്കുന്ന ബിജെപി സ്ഥാനാര്ത്ഥി മുതലാളിയാണെന്നും ഗണേഷ് കുമാര് പറഞ്ഞു.
സ്വര്ണത്തളിക ഉള്ളയാളാണ് തൃശൂരില് മത്സരിക്കുന്നത്. കോടിക്കണക്കിനു രൂപ മുടക്കി ജനാധിപത്യ സര്ക്കാരുകളെ അട്ടിമറിക്കാന് ബിജെപി കുതിരക്കച്ചവടം നടത്തുമ്പോള് അതു വാങ്ങി നക്കിക്കൊണ്ട് പോകുന്ന കോണ്ഗ്രസുകാരനെ ഈ തിരഞ്ഞെടുപ്പില് മാറ്റി നിര്ത്തണമെന്നും ഗണേഷ് കുമാര് പറഞ്ഞു. കൊട്ടാരക്കരയില് കേരള കോണ്ഗ്രസ് (ബി)യുടെ നേതൃസംഗമത്തില് സംസാരിക്കുകയായിരുന്നു ഗണേഷ്.
ജനങ്ങള് മുഴുവന് കോണ്ഗ്രസിന് വോട്ടു ചെയ്തത് രാഹുല് ഗാന്ധിയെ കണ്ടിട്ടാണ്. രാഹുല് ഗാന്ധി തെക്കുനിന്നു വടക്കോട്ടും കിഴക്കുനിന്നു പടിഞ്ഞാറോട്ടും നടക്കുന്നതല്ലാതെ, എക്സൈസ് ചെയ്യലും കടലില് ചാടുന്നതും തമിഴ്നാട്ടില് പോയി ബിരിയാണി വയ്ക്കലും അല്ലാതെ, പാര്ലമെന്റില് പോയി ഇതുവരെ വയനാടിനു വേണ്ടിയും കേരളത്തിനു വേണ്ടിയും ഒന്നും പറഞ്ഞിട്ടില്ലെന്നും ഗണേഷ് കുമാര് വിമര്ശിച്ചു.
https://youtu.be/IUVSNSNnUYU?si=T9_qaeha0INaQH43