മുഖ്യമന്ത്രി പിണറായി വിജയന്റെ മകൾ വീണ വിജയന് തിങ്കളാഴ്ച നിർണായക ദിനം. വീണാ തൈക്കണ്ടി ഡയറക്ടറായ എക്സാലോജിക് കമ്പനിക്കെതിരായ എസ്എഫ്ഐഒ അന്വേഷണം സംബന്ധിച്ച നിര്ണായക ദിനമാണ് ഫെബ്രുവരി 12 എന്ന് തന്നെ പറയേണ്ടി യിരിക്കുന്നു. കേസുമായി ബന്ധപ്പെട്ട മൂന്ന് സുപ്രധാന ഹര്ജികള് ഒരേ ദിവസം കേരള, കര്ണാടക ഹൈക്കോടതികൾ പരിഗണിക്കുന്നു എന്നതാണ് ശ്രദ്ധേയം.
SFIO അന്വേഷണത്തിനെതിരായ എക്സാലോജിക്കിന്റെ ഹർജി കർണാടക ഹൈക്കോടതി തിങ്കളാഴ്ച രാവിലെ പരിഗണിക്കും. ജസ്റ്റിസ് നാഗ പ്രസന്നയുടെ ബെഞ്ചാണ് ഹർജി പരിഗണിക്കുകന്നത്. എക്സാലോജിക് കമ്പനിക്കെതിരെയുള്ള SFIO സ്റ്റേ ചെയ്യണമെന്നതാണ് എക്സാലോജിക് ഹർജിയിൽ ഉന്നയിച്ചിരിക്കുന്നത്. കമ്പനിക്കെതിരെ അന്വേഷണം പ്രഖ്യാപിച്ചുള്ള ഉത്തരവിന് ആധാരമായ വിവരങ്ങൾ ലഭ്യമാക്കണമെന്നും തുടർനടപടികൾ സ്റ്റേ ചെയ്യണമെന്നും എക്സാലോജിക്ക് ഹര്ജിയില് ആവശ്യപ്പെടുന്നു. അന്വേഷണം സ്റ്റേ ചെയ്യുന്നതിന് പുറമെ കേസ് റദ്ദാക്കണമെന്ന ആവശ്യവും എക്സാലോജിക് കമ്പനി ഉന്നയിക്കുന്നു.
സി.എം.ആര്.എല്ലും എക്സാലോജികുമായുള്ള ഇടപാടില് എസ്എ ഫ്ഐഒ അന്വേഷണം ആവശ്യപ്പെട്ട് അഡ്വ.ഷോണ് ജോര്ജ് സമര്പ്പിച്ച ഹര്ജി കേരള ഹൈക്കോടതി തിങ്കളാഴ്ച പരിഗണിക്കുന്നുണ്ട്. മാസപ്പടി കേസില് എസ്എഫ്ഐഒ അന്വേഷണത്തിൽ സ്റ്റേ ആവശ്യപ്പെട്ട് കേരള സര്ക്കാര് പൊതുമേഖല സ്ഥാപനമായ കെഎസ്ഐഡിസി നല്കിയ അപ്പീല് ഹര്ജി തിങ്കളാഴ്ച കേരള ഹൈക്കോടതി പരിഗണിക്കുന്നുണ്ട്.
CMRL മുഖ്യമന്ത്രിയുടെ മകൾ വീണ ഡയറക്ടറായ എക്സാലോജിക്കും തമ്മിലുള്ള ഇടപാടുകൾ അന്വേഷിക്കുന്നതിന്റെ ഭാഗമായാണ് കെഎസ്ഐഡിസിയോട് എസ്എഫ്ഐഒ രേഖകൾ ആവശ്യപ്പെട്ടത്. കെഎസ്ഐഡിസിക്ക് സിഎംആർഎല്ലില് 13.4% ഓഹരി പങ്കാളിത്തം ഉള്ളതാണ്.