തിരുവനന്തപുരം . മന്ത്രിയായി സത്യപ്രതിജ്ഞ ചെയ്ത് അധികാരമേറ്റ ശേഷം മാധ്യമങ്ങളോട് ആദ്യം സംസാരിക്കുമ്പോൾ കെബി ഗണേഷ് കുമാർ പ്രതിപക്ഷത്തെ കുത്തി മുറിവേൽപ്പിക്കാനാണ് ശ്രമിച്ചത്. പ്രതിപക്ഷത്തെ രൂക്ഷമായി വിമര്ശിച്ചും കെഎസ്ആര്ടിസിയെ അപകടാവസ്ഥയില്നിന്ന് കരകയറ്റുമെന്നും ആയിരുന്നു ഗണേഷ് കുമാറിന്റെ പ്രതികരണം.
തനിക്കെതിരെ കോണ്ഗ്രസ് കൊടുത്ത കേസില് അവരില് പലരുമാണ് കുറ്റക്കാരാണെന്ന് മന്ത്രി ഗണേഷ് കുമാർ പറഞ്ഞു. പുറകെ നടന്ന് ഉപദ്രവിക്കുന്ന രീതി തനിക്കില്ല. തന്നെ ബഹിഷ്കരിക്കുന്ന പ്രതിപക്ഷത്തിന്റെ നയം എന്തിനാണെന്ന് മനസിലാകുന്നില്ല. അവരെയാണ് ബഹിഷ്കരിക്കേണ്ടത്. കോണ്ഗ്രസുകാര് കള്ളസാക്ഷി പറഞ്ഞ കേസാണ് കോടതിയിലുള്ളത്. എല്ലാം കാലം തെളിയിക്കും. പ്രതിപക്ഷത്തിന്റെ പ്രതിഷേധം എന്തിനാണെന്ന് മനസിലാകുന്നി ല്ലെന്നും നവകേരള സദസിനെതിരെ ഉള്പ്പെടെ അവര് പ്രതിഷേധിച്ചത് എന്തിനുവേണ്ടിയാണെന്നും കെബി ഗണേഷ് കുമാര് ചോദിക്കുകയുണ്ടായി.
ഏതുവകുപ്പായാലും സത്യസന്ധമായി കൈകാര്യം ചെയ്യുമെന്ന് മന്ത്രി രാമചന്ദ്രന് കടന്നപ്പള്ളി പറഞ്ഞു. മുഖ്യമന്ത്രി നല്കുന്ന ഏതു വകുപ്പും നല്ലരീതിയില് കൈകാര്യം ചെയ്യും. ഏതു വകുപ്പാണെന്ന കാര്യം ഔദ്യോഗികമായി അറിയിച്ചിട്ടില്ല കടന്നപ്പള്ളി പറഞ്ഞു. കെഎസ്ആ ര്ടിസിയെ ലാഭത്തിലാക്കാനായില്ലെങ്കിലും നിലവിലുള്ള അപകടാവസ്ഥയില് നിന്ന് കരകയറ്റാൻ പരമാവധി ശ്രമിക്കുമെന്ന് മന്ത്രി കെബി ഗണേഷ്കുമാര് പറഞ്ഞു.
അതിനായി തൊഴിലാളികളും യൂനിയനുകളും സഹകരിക്കുമെന്നാണ് പ്രതീക്ഷ. ഓട്ടോ മൊബൈല് കാര്യങ്ങളില് ഇഷ്ടമുള്ള വ്യക്തിയായ തിനാല് തന്നെ പരിഷ്കരണങ്ങള് വേഗത്തിലാക്കാന് ശ്രമിക്കും. ഒന്നും വെച്ച് താമസിപ്പിക്കില്ല. രണ്ടരവര്ഷമാണ് ഇനിയുള്ളത്. അതിനാല് അതിനുള്ളില് നല്ലകാര്യങ്ങള് ചെയ്ത് സര്ക്കാരിന് സല്പ്പേരുണ്ടാക്കാന് നോക്കും. എല്ലാം പഠിക്കാന് ഒരാഴ്ച സമയം വേണമെന്നും കമ്പ്യൂട്ടറൈ സേഷന് ഉള്പ്പെടെയുള്ള കാര്യങ്ങള് നടപ്പാക്കുമെന്നും കെബി ഗണേഷ് കുമാര് പറയുകയുണ്ടായി.