കേരളത്തിൽ സുരേഷ് ഗോപിയെ ഒതുക്കാൻ ശ്രമം നടക്കുന്നതായി നടൻ കൊല്ലം തുളസി. ബിജെപി കേന്ദ്ര നേതൃത്വത്തിൽ സ്വാധീനമുള്ളതുകൊണ്ടാണ് പലർക്കും സുരേഷ് ഗോപിയെ ഒന്നും ചെയ്യാൻ കഴിയാത്തതെന്നും, ഇപ്പോഴത്തെ സാഹചര്യത്തിൽ തൃശ്ശൂരിൽ സുരേഷ് ഗോപി ജയിക്കാൻ സാദ്ധ്യതയുണ്ടെന്നും കൊല്ലം തുളസി ഒരു മലയാളം ടി വി ചാനലിലോട് പറഞ്ഞു.
കൊല്ലം തുളസിയുടെ വാക്കുകൾ ഇങ്ങനെ:’സുരേഷ് ഗോപി ജയിച്ച് മന്ത്രിയാവുകയാണെങ്കിൽ കേരളത്തിന് ഒരുപാട് ഗുണം ചെയ്യും. ചില അഭിപ്രായങ്ങളൊക്കെ എടുത്തുചാടി പറയാറുണ്ടെങ്കിലും ശുദ്ധമനസാണ് സുരേഷ് ഗോപിയുടേത്. കേരളത്തിലെ ഇപ്പോഴത്തെ ബിജെപിയും അതിന്റെ പ്രസിഡന്റുമൊന്നും ഒട്ടും ശരിയല്ല. ജാതിയും ഗ്രൂപ്പും മാത്രമാണവർ. ഒരു എംഎൽഎ ഉണ്ടായിരുന്നത് പോലും പോയി.
ഇനി ക്ളച്ച് പിടിക്കാൻ പോകുന്നില്ല. സുരേഷ് ഗോപി ബിജെപിയിൽ സജീവമാകേണ്ടസമയം കഴിഞ്ഞു. സുരേഷ് ഗോപിക്ക് അർഹമായ സ്ഥാനം കൊടുത്ത് സംഘടനയിൽ കൊണ്ടുവരാൻ ഇപ്പോഴുള്ള മന്ത്രിയോ ആരുമോ താൽപര്യപ്പെടുന്നില്ല. സുരേഷ് ഗോപി എം.പിയായത് മുകളിലത്തെ പിടിയാണ്. സുരേഷ് ഗോപിയെ ഒതുക്കാനുള്ള ശ്രമം കേരളത്തിൽ നടക്കുന്നുണ്ട്. തൃശ്ശൂരിൽ ഇപ്പോഴത്തെ സാഹചര്യം വച്ച് അദ്ദേഹത്തിന് ജയസാദ്ധ്യതയാനുള്ളത്. ഞാൻ അദ്ദേഹത്തിന് വേണ്ടി ഇലക്ഷൻ പ്രചരണത്തിന് പോകും’ കൊല്ലം തുളസി പറഞ്ഞു.