ഇടുക്കി . നെടുങ്കണ്ടത്ത് സഹകരണ ബാങ്ക് ജീവനക്കാരൻ തൂങ്ങിമരിച്ച നിലയിൽ. ബാങ്ക് ബ്രാഞ്ച് മാനേജർ ദീപു സുകുമാരനെ ആണ് മരിച്ച നിലയിൽ കണ്ടെത്തിയത്. തിങ്കളാഴ്ച രാവിലെയാണ് ദീപുവിനെ വീടിനുള്ളിൽ തൂങ്ങിയ നിലയിൽ കണ്ടെത്തുന്നത്.
തിങ്കളാഴ്ച രാവിലെ ബാങ്കിൽ എത്തിയ ദീപു ഭക്ഷണം കഴിക്കുവാനായി വീട്ടിലേക്ക് പോവുകയായിരുന്നു. ഭക്ഷണം കഴിച്ച് വീട്ടിലെത്തിയ ദീപു മുറിക്കുള്ളിൽ കടന്ന് കതകടക്കുകയായിരുന്നു. പിന്നീടാണ് തൂങ്ങി മരിക്കുന്നത്. കുറെ സമയം കഴിഞ്ഞും ദീപു പുറത്ത് വരാത്തതിനെ തുടർന്ന് ഭാര്യ നടത്തിയ തിരച്ചലിലാണ് തൂങ്ങിയ നിലയിൽ കണ്ടെത്തിയത്.
നെടുങ്കണ്ടത്തെ സ്വകാര്യ ആശുപത്രിയിൽ വളരെ വേഗം എത്തിച്ചെങ്കിലും ദീപു സുകുമാരന്റെ ജീവൻ രക്ഷിക്കുവാനായില്ല. കുടുംബ പ്രശ്നങ്ങളാണ് മരണകാരണമെന്നാണ് പോലീസ് പറയുന്നത്. അസ്വാഭാവികമരണത്തിന് പോലീസ് കേസ് എടുത്ത് അന്വേഷണം തുടങ്ങി. പോസ്റ്റ്മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടു നൽകും. നെടുങ്കണ്ടം ഗ്രാമപഞ്ചായത്ത് മുൻ പ്രസിഡൻറ് രമ സുകുമാരൻ ആണ് അമ്മ. കെ കെ സുകുമാരൻ ആണ് അച്ഛൻ.
