=========================================
വിദ്യാഭ്യാസ മന്ത്രി വി ശിവന്കുട്ടിയെ വേദിയിലിരുത്തി കേരളത്തിലെ വിദ്യാഭ്യാസ വകുപ്പിനും അധ്യാപകർക്കുമെതിരെ ആഞ്ഞടിച്ച് പത്തനാപുരം എം എൽ എ കെ ബി ഗണേഷ് കുമാർ. ഏതാണ്ട് 50 വര്ഷക്കാലത്തെ പിന്നോട്ട് നോക്കിയാൽ കേരളത്തിൻറെ വിദ്യാഭ്യാസ സംബ്രദായങ്ങൾക്ക് യാതൊരു വിധ പുരോഗതിയും ഈ 2023 ലും ഉണ്ടായിട്ടില്ല എന്ന് നമുക്ക് മനസിലാവും എന്ന് ഗണേഷ് കുമാർ പറഞ്ഞു.
കേരളത്തിലെ മൊത്തം ചിലവിന്റെ 74 % വും സർക്കാർ ജീവനക്കാർക്കുള്ള ശമ്പളം നൽകുന്ന ഇനത്തിൽ പോവുകയാണെന്നും ഗണേഷ് കുമാർ പറഞ്ഞു. അതിനെ തന്നെ നൂറായി കണ്ടാൽ അതിൽ 64 % വും അധ്യാപകർക്കുള്ള ശമ്പള ഇനത്തിൽ വരുന്നതാണെന്നും ഗണേഷ്‌കുമാർ പറഞ്ഞു.
ഒന്ന് മുതൽ പത്തു വരെയുള്ള കുട്ടികളെ ഒരു മാനദണ്ഡവും നോക്കാതെ ജയിപ്പിച്ചു വിടുന്നതിലൂടെ കുട്ടികളെ നിലവാരത്തകർച്ചയിലേക്ക് തള്ളി വിടുകയാണ് ചെയ്യുന്നതെന്നും അദ്ദേഹം ആഞ്ഞടിച്ചു.പത്താം ക്ലാസിൽ നന്നായി പടിക്കുന്നവനും ശരാശരി പടിക്കുന്നവനും ഒരേ പോലെ ഫുൾ എ + കിട്ടുന്ന രീതിയെ ഇന്നുള്ളത് . കഴിവുള്ളവർ തഴയപ്പെടുന്ന രീതി . ഇതെല്ലാം വിദ്യാഭ്യാസ വകുപ്പിന്റെ വൻ വീഴ്ചകളായിട്ടാണ് ഗണേഷ് കുമാർ ചൂണ്ടി കാട്ടിയത്.
