ഷുക്കൂർ വധം;ചില പേരുകൾ ഞാൻ അങ്ങോട്ട് പറയട്ടെ!!!രണ്ടും കൽപ്പിച്ചു കുഞ്ഞാലികുട്ടി

മുസ്ലിം ലീഗ് പ്രവർത്തകൻ അരിയിൽ ശുക്കൂർ വധക്കേസിൽ ഗൂഢാലോചന കുറ്റത്തിൽ നിന്നും സിപിഎം നേതാവ് പി ജയരാജനെ രക്ഷിക്കാൻ ഇടപെട്ടെന്ന് കണ്ണൂരിലെ അഭിഭാഷകൻ ടിപി ഹരീന്ദ്രൻ ഉന്നയിച്ച ആരോപണത്തിൽ പ്രതികരണവുമായി മുസ്ലിംലീഗ് നേതാവ് പി കെ കുഞ്ഞാലിക്കുട്ടി. ആരോപണം തള്ളിയ കുഞ്ഞാലിക്കുട്ടി ആരോപണത്തിന് പിന്നിൽ എന്തോ ഉണ്ടെന്നും വിഷയം പാർട്ടി ചർച്ച ചെയ്തുവെന്നും പറഞ്ഞു. ചില പേരുകളും ഊഹാപോഹങ്ങളും അന്തരീക്ഷത്തിൽ ഉണ്ട് മൂന്ന് നാല് പേരുകൾ ഉണ്ട്. സത്യം എന്തെന്ന് വഴിയെ അറിയട്ടെ കെപിസിസി പ്രസിഡന്റ് കെ സുധാകരനെ ഇതിലേക്ക് വലിച്ചിഴക്കേണ്ടതില്ല.. സുധാകരന്റെ പ്രതികരണത്തിൽ ഉണ്ടായ പ്രശ്നം അദ്ദേഹം തന്നെ വിശദീകരിച്ചു. ഈ കേസ് ഞാൻ വിടുന്ന പ്രശ്നമില്ല.അങ്ങനെ വിടുമെന്ന് ആരും കരുതണ്ട നിയമപരമായി തന്നെ നേരിടും എന്നും അദ്ദേഹം പറഞ്ഞു. അന്നത്തെ അന്വേഷണ ഉദ്യോഗസ്ഥൻ കണ്ടെത്തിയ വകുപ്പുകൾ പോരാ എന്ന് പറഞ്ഞ് മന്ത്രിസഭ ആലോചിച്ചു ഗവൺമെന്റ് ആലോചിച്ചു അതുപോലെതന്നെ നോട്ടീസ് ഇറക്കി. അവസാനം സുപ്രീംകോടതി വരെ പോയി. ഓർഡർ വാങ്ങിയ കേസ്. ഇപ്പോൾ കോടതിയിൽ നടന്നുകൊണ്ടിരിക്കുന്ന കേസ് ആ കേസിനെ കുറിച്ചാണ് ഇങ്ങനെ പറയുന്നത്. സിബിഐ അന്വേഷണത്തിന് ഓർഡർ വാങ്ങിയ ആ ഗവൺമെന്റിൽ ഞാനുണ്ട്അ.തുകൊണ്ട് ഇതിൽ കൂടുതൽ ഒന്നും പറയാനില്ലെന്നും അദ്ദേഹം മാധ്യമങ്ങളോട് വ്യക്തമാക്കി…