സ്വപ്നാ സുരേഷിന്റെ തുറന്നു പറച്ചിലും പി സി ജോർജിന്റെ പത്ര സമ്മേളനവും കഴിഞ്ഞതോടെ കേരളം രാഷ്ട്രീയം പ്രക്ഷുബ്ദമായെന്ന് അഡ്വ .ജയശങ്കർ . കേരളത്തിലിപ്പോൾ പിണറായി പീനൽ കോഡ് ആണ് അരങ്ങേറുന്നതെന്നും അദ്ദേഹം പറഞ്ഞു. എന്തായാലും ഇതോടെ മുഖ്യമന്ത്രിയുടെ കിളി പോയ അവസ്ഥയിലാണെന്ന് ജയശങ്കർ പരിഹസിച്ചു. പിണറായി വിജയൻ ഇപ്പോൾ ഇരട്ടച്ചങ്കൻ അല്ല ഇരട്ട ചെമ്പൻ ആണെന്നും ജയശങ്കർ കൂട്ടിച്ചേർത്തു . കെ ടി ജലീലിന്റെ സ്വപ്നയ്ക്കെതിരായ പരാതിയെയും ജയശങ്കർ വിമർശിച്ചു .
സ്വര്‍ണക്കടത്ത് കേസുമായി ബന്ധപ്പെട്ട സ്വപ്ന സുരേഷിന്റെ ആരോപണങ്ങളെ കുറിച്ചുള്ള കെ.ടി ജലീലിന്റെ പരാതിയില്‍ പറയുന്നത് നുണക്കഥകൾ പ്രചരിപ്പിച്ച് ആസൂത്രിതമായ കലാപത്തിന് വേണ്ടിയുള്ള ശ്രമങ്ങളെ ഇവർ നടത്തിക്കൊണ്ടിരിക്കുകയാണ് എന്നാണ്. കെ ടി ജലീലിനെതിരെ ഒരു ആരോപണമുന്നയിക്കുന്നത് എങ്ങനെ കലാപ ശ്രമമാകും . കെ ടി ജലീലിന് വിവരമില്ലാത്തത് കൊണ്ടാണ് ഇത്തരമൊരു പരാതിയുമായി ചെന്നത് എന്നും എന്നാൽ ഈ പരാതിയിൽ കെസെടുത്ത പൊലിസുകാരും വിവരം കെട്ടവരാണല്ലോ എന്നും അദ്ദേഹം ചോദിച്ചു.
എന്തായാലും ജലീലിന്റെ പരാതിയിൽ പോലീസ് പ്രത്യേക അന്വേഷണ സംഘത്തെ പ്രഖ്യാപിച്ചേക്കും എന്നാണ് റിപോർട്ടുകൾ .
കേസില്‍ സ്വപ്ന സുരേഷ്, പിസി ജോര്‍ജ് എന്നിവര്‍ക്കെതിരെയാണ് പോലീസ് എഫ്.ഐ.ആര്‍ രജിസ്റ്റര്‍ ചെയ്തത്. ഗൂഢാലോചന, കലാപ ശ്രമം അടക്കമുള്ള വകുപ്പുകളാണ് ഇരുവര്‍ക്കുമെതിരെ ചുമത്തിയിട്ടുള്ളത്. ഇപ്പോൾ ഈ കേസിൽ ചുമത്തിയിട്ടുള്ളത് ഐപി സി അല്ല പി പി സി അഥവാ പിണറായി പീനൽ കോഡ് ആണെന്നാണ് ജയശങ്കറിന്റെ ഭാഷ്യം . അദ്ദേഹത്തിന്റെ വാക്കുകളിലേക്ക്………….
