മാനന്തവാടി: വയനാട്ടില് സബ് ആര്.ടി.ഒ ഓഫീസിലെ ജീവനക്കാരിയെ സിന്ധുവിനെ (42) വയസ്സ്് വീടിനുള്ളില് തൂങ്ങിമരിച്ച നിലയില് കണ്ടെത്തി.ഇന്ന് രാവിലെ എട്ട് മണിയോടെയാണ് എളുമന്ദത്തെ വീട്ടില് സിന്ധുവിനെ തൂങ്ങിമരിച്ച നിലയില് കണ്ടെത്തിയത്.സംഭവത്തില് ദുരൂഹിത ആരോപിച്ച് കുടുംബം മുന്നോട്ടു വന്നു. എന്നല് കുടുംബത്തിന്റെ ആരോപണങ്ങള് ജോയിന്റ് ആര്ടിഒ ബിനോദ് കൃഷ്ണ നിഷേധിച്ചു. സിന്ധുവിനെതിരെ ആരും പരാതി നല്കിയിട്ടില്ലെന്നും വസ്തുതക്ക് നിരക്കാത്ത കാര്യങ്ങളാണ് സിന്ധുവിന്റെ സഹോദരന് പറഞ്ഞതെന്നുമായിരുന്നു ജോയിന്റ് ആര് ടി ഒ ബിനോദ് കൃഷ്ണയുടെ പ്രതികരണം.
ജോലി പോകുമെന്ന് സിന്ധു ഭയപ്പെട്ടിരുന്നു കാരണമെന്തെന്ന് അറിയില്ലെ. സിന്ധുവിനെതിരെ ആരും പരാതി നല്കിയിട്ടില്ല. ഉദ്യോഗസ്ഥര്ക്കെതിരെ സിന്ധുവും പരാതി നല്കിയിട്ടില്ല. ഇന്നലെ ചിരിച്ച് കൊണ്ടാണ് സിന്ധു ഓഫീസില് നിന്ന് മടങ്ങിയത്. എന്താണ് മരണകാരണമെന്തെന്ന് തനിക്കറിയില്ലെന്നും മായിരുന്നു ബിനോദ് ക്യഷ്ണയുടെ പ്രതികരണം.
സിന്ധുവിന്റെ ആത്മഹത്യക്ക് പിന്നില് ദുരൂഹതയുണ്ടെന്ന ആരോപണമാണ് കുടുംബം ഉയര്ത്തി്. മാനന്തവാടി സബ് ആര്ടിഒ ഓഫിസിലെ ഉദ്യോഗസ്ഥരുടെ മാനസിക പീഡനം കാരണമാണ് സഹോദരി ആത്മഹത്യ ചെയ്തതെന്ന് സഹോദരന് നോബിള് പറഞ്ഞു. ഓഫീസില് കൈക്കൂലി വാങ്ങാന് കൂട്ടുനില്ക്കാത്തതുകൊണ്ട് ഉദ്യോഗസ്ഥര്ക്ക് തന്നോട്് പകയുണ്ടെന്നും, തന്നെ ഒറ്റപ്പെടുത്താന് ഉദ്യോഗസ്ഥര് ശ്രമിച്ചതായും സിന്ധു പറഞ്ഞിരുന്നുവെന്നും സഹോദരന് വെളുപ്പെടുത്തി. ഇത്തരത്തിലുളള പ്രശനങ്ങളാല് സിന്ധുവിന് ജോലി നഷ്ടപ്പെടുമെന്ന ഭയമുണ്ടായിരുന്നവെന്നും കുടുംബം വ്യക്തമാക്കി. സബ് ആര്ടിഒ ഓഫീസിലെ സീനിയര് ക്ലാര്ക്കായ സിന്ധു ഒന്പത് വര്ഷമായി മാനന്തവാടി സബ് ആര്ടിഒ ഓഫീസില് ജീവനക്കാരിയാണ്. ഭിന്നശേഷിക്കാരിയും അവിവാഹിതയുമാണ് സിന്ധു.