രണ്ടുവര്ഷത്തിന് ശേഷം രാജ്യത്ത് കൊറോണ പ്രതിദിന രോഗികളുടെ എണ്ണം ആയിരത്തിൽ താഴെ എത്തി .കഴിഞ്ഞ 24 മണിക്കൂറിനിടെ 913 കേസുകൾ മാത്രമാണ് സ്ഥിരീകരിച്ചത്. പ്രതിദിന പോസിറ്റിവിറ്റി നിരക്ക് 0.29 ശതമാനമാണ്.നിലവിൽ 12,597 രോഗികളാണ് ചികിത്സയിലുള്ളത്. 714 ദിവസത്തിന് ശേഷമാണ് സജീവ രോഗികളുടെ എണ്ണം 13,000ത്തിൽ താഴെ എത്തുന്നതെന്ന് ആരോഗ്യമന്ത്രാലയം അറിയിച്ചു. കഴിഞ്ഞ ദിവസങ്ങളിലുണ്ടായ 13 മരങ്ങൾ കൂടി കൊറോണ മൂലമാണെന്ന് കണ്ടെത്തിയിട്ടുണ്ട്. ഇതോടെ രാജ്യത്തെ ആകെ കൊറോണ മരണം 5,21,358 ആയി.
1,316 പേർ കഴിഞ്ഞ ദിവസം രോഗമുക്തി നേടി. 98.76 ശതമാനമാണ് രാജ്യത്തെ രോഗമുക്തി നിരക്ക്. ഇതുവരെ 42.95 കോടി ജനങ്ങൾ രോഗത്തിൽ നിന്നും സുഖം പ്രാപിച്ചു. ആകെ 184.70 കോടി വാക്സിൻ ഡോസുകൾ ഇതിനോടകം വിതരണം ചെയ്തിട്ടുണ്ടെന്നാണ് കേന്ദ്ര ആരോഗ്യമന്ത്രാലയം പുറത്തുവിടുന്ന കണക്കുകളിൽ വ്യക്തമാക്കുന്നത്.
