‘മതമില്ല, ജാതിയില്ല’ സര്‍ട്ടിഫിക്കറ്റ് നല്‍കാന്‍ സംസ്ഥാന സര്‍ക്കാരിനും സൂററ്റ്‌ ജില്ലാ കളക്ടര്‍ക്കും ജുനഗഡിലെ ചോര്‍വാഡ് നഗര്‍ പഞ്ചായത്ത് സെക്രട്ടറിക്കും കോടതി നിര്‍ദ്ദേശം നല്‍കണമെന്ന് ആവശ്യപ്പെട്ട് സൂററ്റില്‍ നിന്നുള്ള 36 കാരി ഗുജറാത്ത് ഹൈക്കോടതിയെ സമീപിച്ചു.
മതമില്ല ,ജാതിയില്ല സര്‍ട്ടിഫിക്കറ്റ് നൽകാൻ നിർദേശം നൽകണമെന്ന് ആവശ്യപ്പെട്ടുകൊണ്ട് സൂററ്റിൽനിന്നുള്ള 36 കാരി ഹൈ കോടതിയെ സമീപിച്ചു. രാജ്‌ഗോര്‍ ബ്രാഹ്മണ സമുദായത്തില്‍പ്പെട്ട കാജല്‍ മഞ്ജുളയാണ്‌ ഹര്‍ജിനൽകിയത്.അനാഥയും അവിവാഹിതയുമായ താന്‍ ഭാവിയില്‍ എവിടെയും തന്റെ ഉപജാതി, ജാതി, മതം എന്നിവ പരാമര്‍ശിക്കാന്‍ ആഗ്രഹിക്കുന്നില്ലെന്നും ‘തനിക്കുവേണ്ടി മാത്രമല്ല മറ്റ് ആളുകള്‍ക്ക് വേണ്ടിയും ചില വിപ്ലവകരമായ ആശയങ്ങള്‍ സൃഷ്ടിക്കാന്‍ ആഗ്രഹിക്കുന്നുവെന്നും ഹരജിക്കാരി വ്യക്തമാക്കി’. മാര്‍ച്ച്‌ 30 ന് സമര്‍പ്പിച്ച ഹര്‍ജിയില്‍’ജാതി സമ്ബ്രദായം’ വിവേചനപരമായതിനാല്‍ തന്റെ ജീവിതത്തില്‍ നിരവധി പ്രശ്‌നങ്ങള്‍ അഭിമുഖീകരിക്കേണ്ടി വന്നുവെന്ന് ഹര്‍ജിക്കാരി പറയുന്നുണ്ട്.
