മാര്ച്ച് 24 മുതല് സ്വകാര്യ ബസുകള് അനിശ്ചിതകാലത്തേക്ക് സര്വിസ് നിര്ത്തിവെക്കും. ബസ് ഉടമകളുടെ സംയുക്ത സമരസമിതിയുടേതാണ് തീരുമാനം.
നിരക്ക് വര്ധന അടക്കമുള്ള വിഷയങ്ങളില് പരിഹാരമുണ്ടാകാത്ത പശ്ചാത്തലത്തിലാണ് നീക്കം. ഗതാഗതമന്ത്രി പ്രശ്നം പരിഹരിക്കുമെന്ന് ഉറപ്പ് നല്കിയിട്ട് നാലു മാസം കഴിഞ്ഞു. മിനിമം നിരക്ക് 12 രൂപയാക്കണമെന്നും വിദ്യാര്ഥികളുടെ കണ്സഷന് ആറ് രൂപയാക്കണമെന്നുമാണ് ബസുടമകളുടെ ആവശ്യം.
സ്വകാര്യ ബസുകളോട് സര്ക്കാര് വിവേചനം കാട്ടുന്നു. വ്യവസായത്തെ സംരക്ഷിക്കാന് സര്ക്കാറിന്റെ ഭാഗത്തുനിന്ന് ഒരു നടപടിയുമുണ്ടായില്ല.
ബജറ്റില് ഒരു പൈസയുടേയും ആനുകൂല്യം പ്രഖ്യാപിച്ചില്ലെന്നും ബസുടമകള് ആരോപിക്കുന്നു. ഹരിതനികുതി വര്ധിപ്പിച്ച സര്ക്കാര് നടപടി പ്രതിഷേധാര്ഹമാണ്. സമരം ജനങ്ങളോടോ സര്ക്കാറിനോടോ ഉള്ള വെല്ലുവിളിയല്ലെന്നും നിലനില്പ്പിന് വേണ്ടിയാണെന്നും ബസുടമകള് വ്യക്തമാക്കി.