എന്.സി.പിയിലേക്ക് തിരിച്ചെത്തുകയാണ് എന്ന വാര്ത്ത നിഷേധിച്ച് മാണി സി കാപ്പന്. തീര്ത്തും അടിസ്ഥാനരഹിതമായ വാര്ത്തയാണ് പ്രചരിക്കുന്നതെന്ന് കാപ്പന് പ്രതികരിച്ചു.
തിരഞ്ഞെടുപ്പ് കഴിഞ്ഞ് ശരദ് പവാറിനെ പതിനഞ്ച് തവണ സന്ദര്ശിച്ചത് രാഷ്ട്രീയം ചര്ച്ച ചെയ്യാന് ആയിരുന്നില്ല. പി.സി ചാക്കോയുമായി ചര്ച്ച നടത്തിയിട്ടില്ലെന്നും അദ്ദേഹം വ്യക്തമാക്കി.
‘ഇടത് മുന്നണിയിലേക്ക് പോകുന്നതിനെ കുറിച്ച് ചര്ച്ച നടന്നിട്ടില്ല. അതിനെ കുറിച്ച് ആലോചിച്ചിട്ട് പോലുമില്ല. വാര്ത്തയുടെ അടിസ്ഥാനം എന്താണെന്ന് പ്രചരിപ്പിച്ചവരോട് തന്നെ ചോദിക്കണം’ കാപ്പന് കൂട്ടിച്ചേര്ത്തു.
മാണി സി കാപ്പന് എന്.സി.പിയിലേക്ക് എത്തുകയാണെന്ന വാര്ത്ത പി.സി ചാക്കോയും നിഷേധിച്ചു. അത്തരമൊരു ചര്ച്ച നടന്നതായി അറിയില്ലെന്ന് എന്.സി.പി സംസ്ഥാന അധ്യക്ഷന് പറഞ്ഞു. ‘സംസ്ഥാന പ്രസിഡന്റ് ആയ ഞാന് അറിയാതെ ചര്ച്ച നടക്കുമോ?’ അദ്ദേഹം ചോദിച്ചു. പാലാ സീറ്റ് തര്ക്കത്തെ തുടര്ന്ന്, ഇടത് മുന്നണിയും എന്.സി.പിയും വിട്ടിറങ്ങി മാണി സി കാപ്പന് എന്.സി.കെ എന്ന സ്വന്തം പാര്ട്ടി രൂപീകരിച്ച്, പാലാ മണ്ഡലത്തില് ജോസ് കെ മാണിയെ പരാജയപ്പെടുത്തിയാണ് എം.എല്.എ ആയത്.