ഇപ്പോൾ രാഷ്ട്രീയ കേരം ഉറ്റുനോക്കുന്നത് ദുരിതാശ്വാസ ഫണ്ട് വകമാറ്റിയതിൽ ലോകായുക്തയിൽ നിന്നും മുഖ്യമന്ത്രിക്ക് പണി കിട്ടുമോ എന്നതിലേക്കാണ്.മന്ത്രി ബിന്ദുവിനെ വെറുതെവിട്ടെങ്കിലും വീണ്ടും പ്രകോപനം സൃഷ്ടിക്കുന്ന സർക്കാരും കട്ടകലിപ്പിലുള്ള മുഖ്യമന്ത്രിയുമാണ് ലോകായുക്തയെ നോവിച്ചത്.അതിന്റെ മറുപടിയെന്നവണ്ണമാണ് കഴിഞ്ഞ ദിവസം മുൻ മന്ത്രി കെ ടി ജലീലിനെ നായയോടുപമിച്ച് ലോകായുക്ത പ്രതിഷേധം പരസ്യമാക്കിയത്.അതിന് മറുപടിയുമായി ലോകായുക്തയെ പന്നിയോടുപമിച്ച് ജലീൽ രംഗത്തുവന്നതും സംഗതി കൊഴുപ്പിച്ചിട്ടുണ്ട്.
എന്തായാലും പരിധിവിട്ട ഉപമകൾ സൂചിപ്പിക്കുന്നത് സർക്കാർ-ലോകായുക്ത ബന്ധം അങ്ങേയറ്റം വഷളായിരിക്കുന്നു എന്നതാണ്.മുൻപ് പിണറായിയുടെ സ്വന്തമായിരുന്ന ലോകായുക്ത ഇപ്പോൾ പിണറായിയുടെ അന്തകനാകുമോയെന്നത് കാത്തിരുന്നു കാണേണ്ടതാണ്.
