ഈ രാജ്യം ആരുടേയും പിതൃസ്വത്തല്ലെന്നും ഭരണഘടന ആരുടേയും ദാനമല്ലെന്നും ബിനീഷ് കോടിയേരി. മതത്തിന്റെ പേരില് മനുഷ്യനെ വിഭജിക്കാത്ത ഒരു ഭരണഘടന നമുക്കുണ്ട് എന്നത് തന്നെയാണ് നമ്മുടെ രാജ്യത്തെ സംബന്ധിച്ചു നാം ഏറെ അഭിമാനം കൊള്ളേണ്ടുന്നതെന്നും ബിനീഷ് കോടിയേരി റിപ്പബ്ലിക് ദിനാശംസകള് നേര്ന്നുകൊണ്ടുള്ള ഫേസ്ബുക് കുറിപ്പിലൂടെ വ്യക്തമാക്കി.
രാജ്യം നമ്മുടേതാണ് രാജ്യത്തിന്റെ സ്വാതന്ത്രവും. നമ്മുടെ ഭരണഘടനെയെപ്പറ്റി പറയുമ്പോൾ നെഞ്ചു വിരിച്ചു തന്നെ പറയണമെന്നും ബിനീഷ് കോടിയേരി പറഞ്ഞു.
ഫേസ്ബുക്ക് കുറുപ്പിന്റെ പൂർണരൂപം;
മതത്തിന്റെ പേരില് മനുഷ്യനെ വിഭജിക്കാത്ത ഒരു ഭരണഘടന നമുക്കുണ്ട് എന്നത് തന്നെയാണ് നമ്മുടെ രാജ്യത്തെ സംബന്ധിച്ചു നാം ഏറെ അഭിമാനം കൊള്ളേണ്ടുന്ന ഒന്ന്. നമ്മുടെ ഭരണഘടനെയെപ്പറ്റി പറയുമ്പോൾ നെഞ്ചു വിരിച്ചു തന്നെ പറയണം.
ഈ രാജ്യം ആരുടേയും പിതൃസ്വത്തല്ല, ഭരണഘടന ആരുടേയും ദാനമല്ല, നാം നമുക്കു തന്നെ നല്കിയതാണ്. നമ്മുടെ അവകാശമാണ്. ഈ രാജ്യത്തെ നമ്മള് പൊരുതി വീണ്ടെടുത്തതാണ്, അവകാശങ്ങള് നമ്മുടെ സ്വത്താണ്. രാജ്യം നമ്മുടേതാണ് രാജ്യത്തിന്റെ സ്വാതന്ത്രവും. മാനവികത ഉയര്ത്തിപ്പിടിക്കുകയും മനുഷ്യനെ മനുഷ്യനായി കാണുകയും ചെയ്യുന്ന എല്ലാ മനുഷ്യര്ക്കും ഭരണഘടനാ ദിനാശംസകള്.