നയതന്ത്ര ചാനല് വഴി സ്വർണ്ണക്കടത്ത് നടത്തിയ കേസില് സസ്പെന്ഷനിലായ എം ശിവശങ്കര് ഒന്നരവര്ഷത്തിന് ശേഷം കഴിഞ്ഞ ദിവസമാണ് തിരികെ സര്വീസില് പ്രവേശിച്ചത്. ഇപ്പോള് ജയില് അനുഭവം അടക്കം വിവരിച്ച് എം ശിവശങ്കറിന്റെ പിറന്നാള് ദിന കുറിപ്പാണ് ചർച്ചയാക്കുന്നത്. 59 വയസ് തികഞ്ഞ ഇന്നലെയാണ് എം ശിവശങ്കര് ഫേസ്ബുക്കില് അനുഭവങ്ങള് പങ്കുവെച്ചത്.
ഇത്തവണയും പിറന്നാളിന് ആഘോഷങ്ങള് ഒന്നുമില്ല. കഴിഞ്ഞ വര്ഷം പിറന്നാള് ജയില് മുറിയുടെ തണുത്ത തറയിലായിരുന്നു. അന്നവിടെ ആരും തന്റെ പിറന്നാള് ഓര്ക്കാന് ഉണ്ടായിരുന്നില്ല. ഈ പിറന്നാള് ദിനത്തില് സന്ദേശങ്ങള് സ്വീകരിക്കാനുള്ള സ്വാതന്ത്ര്യം എങ്കിലും തിരികെ കിട്ടിയിരിക്കുന്നു. സ്വാതന്ത്ര്യം അമൂല്യമാണെന്ന പാഠം പഠിക്കാന് കഴിഞ്ഞു. അത് ചിലര് കവര്ന്നെടുത്തേക്കാമെന്ന ശ്രദ്ധ ഉണ്ടാകണം. യഥാര്ത്ഥ സ്നേഹിതരേ മനസിലാക്കാന് ഈ അനുഭവങ്ങള് സഹായിച്ചു. മുന്പ് പിറന്നാള് ആശംസിച്ചിരുന്നവരുടെ പത്തിലൊന്ന് ആളുകള് മാത്രമാണ് ഇത്തവണ പിറന്നാള് ആശംസിച്ചത് എന്നും ശിവശങ്കര് ഫേസ്ബുക്ക് കുറിപ്പില് പറയുന്നു.
സസ്പെന്ഷന് കാലാവധി തീര്ന്നതിനാല് തിരിച്ചെടുക്കണമെന്ന ചീഫ് സെക്രട്ടറി അധ്യക്ഷനായ സമിതിയുടെ ശുപാര്ശ അംഗീകരിച്ച് മുഖ്യമന്ത്രിയാണ് ഉത്തരവിട്ടത്. ഒരു മാസം മുൻപാണ് എം. ശിവശങ്കർ തന്റെ സർവ്വീസിൽ തിരിച്ച് കയറിയത്. ശിവശങ്കറിനെ സ്പോര്ട്സ് യുവ ജനകാര്യ പ്രിന്സിപ്പല് സെക്രട്ടറിയായി നിയമിക്കുകയായിരുന്നു.
എന്നാൽ, സ്വര്ണക്കടത്ത് കേസിലെ അവ്യക്തത ഇപ്പോഴും തുടരുകയുമാണ്. ഇക്കാര്യങ്ങള് ചൂണ്ടിക്കാട്ടി ആണ് അദ്ദേഹത്തെ തിരിച്ചെടുക്കണം എന്ന് സമിതി ശുപാര്ശ നല്കിയത്. ശിവശങ്കറിന് എതിരെ ഏറ്റവും പ്രധാനപ്പെട്ട കേസ് രജിസ്റ്റര് ചെയ്തത് കസ്റ്റംസ് ആയിരുന്നു.