സി പി എമ്മിന് മാത്രമല്ല കോൺഗ്രസ്സുകാർക്കും അസ്സലായിട്ടു തിരുവാതിര കളിക്കാനറിയാം. ഉയർന്നു വരുന്ന കോവിഡ് കേസുകൾക്കിടെ നിയന്ത്രണങ്ങൾ കടുപ്പിക്കുന്നതിനിടെയുള്ള സിപിഎം സമ്മേളന നടത്തിപ്പിനെതിരെ കെഎസ്‍യു – യൂത്ത് കോൺഗ്രസ് പ്രവർത്തകർ പ്രതിഷേധിച്ചു.
വ്യത്യസ്തമായൊരു പ്രതിഷേധമാണ് ഇവിടെ നടന്നത്.എന്തെന്നാൽ തിരുവാതിര കളിച്ചാണ് ഇവർ പ്രതിഷേധിച്ചത്. തൃശൂർ കളക്ടേറേറ്റിന് മുന്നിലായിരുന്നു ഇവർ തിരുവാതിര കളിച്ചുകൊണ്ട് പ്രതിഷേധം അറിയിച്ചത് . പത്തു പേർ ചേർന്നാണ് പ്രതിഷേധ തിരുവാതിരക്കളി നടത്തിയത്.
കൊവിഡ് മാനദണ്ഡം ലംഘിച്ച് സിപിഎം സമ്മേളനം നടത്തിയിട്ടും കളക്ടർ തടയാത്തതും പ്രതിഷേധാർഹമാണെന്നും പ്രവർത്തകർ കുറ്റപ്പെടുത്തി കൊണ്ടാണ് വ്യത്യസ്തമായ പ്രതിഷേധം നടത്തിയത്. കാസർകോട്ടെ സിപിഎം ജില്ലാ സമ്മേളനവുമായി ബന്ധപ്പെട്ട് പ്രതിപക്ഷ നേതാവ് ഇന്ന് നിശിതമായ വിമർശനം ഉന്നയിച്ചിരുന്നു. കോടതിയെയും ജനങ്ങളെയും സിപിഎം വെല്ലുവിളിക്കുന്നുവെന്ന് അദ്ദേഹം കുറ്റപ്പെടുത്തുകയും ചെയ്ത സാഹചര്യത്തിലാണ് കെ എസ് യു, യൂത്ത് കോൺഗ്രസ് ചേർന്ന് ഇത്തരമൊരു തിരുവാതിര പ്രതിഷേധ തിരുവാതിര നടത്തിയത്.
