ജനപക്ഷം എം.എല്.എ പി.സി. ജോര്ജിനെതിരെ രൂക്ഷ വിമര്ശനവുമായി നടി ചിന്നു ചാന്ദിനി രംഗത്ത്. നടിയെ ആക്രമിച്ച കേസില് റിപ്പോട്ടര് ചാനലിന് നല്കിയ പ്രതികരണത്തില് അബ്യൂസിനെ അതിജീവിച്ച നടിയ്ക്കെതിരെ പരാമര്ശം നടത്തിയതിനെ തുടര്ന്നാണ് പി.സി. ജോര്ജിനെതിരെ രൂക്ഷ വിമര്ശനവുമായി നടി ചിന്നു ചാന്ദിനി രംഗത്ത് എത്തിയത്. പി.സി. ജോര്ജിനെ പോലുള്ള ആളുകളോട് അഭിപ്രായം ചോദിക്കാന് ചാനലുകള് ഇപ്പോഴും വിളിക്കുന്നണ്ടല്ലോ എന്നായിരുന്നു ചിന്നു ചാന്ദിനിയുടെ പ്രതികരണം.
തന്റെ ഇന്സ്റ്റഗ്രാം അക്കൗണ്ടിലെ സ്റ്റോറിയിലൂടെയായിരുന്നു പി.സി. ജോര്ജ് നടിയെ ആക്രമിച്ച വിഷയത്തില് റിപ്പോര്ട്ടര് ടി.വിയോട് നടത്തിയ പ്രതികരണം പങ്കുവെച്ച് ചിന്നു നിലപാട് വ്യക്തമാക്കിയത്. ‘എഴുപതു വയസ്സായി ഇയാള്ക്ക്. 30 വര്ഷമായി സജീവ രാഷ്ട്രീയത്തിലുള്ള ആളാണത്രെ. അത്യന്തം മാന്യമായി നടക്കേണ്ട ചാനല് പരിപാടികളിലേക്കാണ് അഭിപ്രായം ചോദിക്കാന് ഇയാളെ പോലുള്ളവരെ നിരന്തരം ക്ഷണിക്കുന്നത്,’ ചിന്നു ചാന്ദിനി പറഞ്ഞു.
ചാനൽ ചർച്ചകളിൽ ദിലാപിന് അനുകൂലമായാണ് പി സി ജോർജ് പ്രത്യക്ഷപ്പെട്ടിരുന്നത്. എന്നാൽ പി സി യുടെ ഈ നിലപാടിനോട് വിയോജിച്ച് നിരവധി പേർ രംഗത്തെത്തുകയുണ്ടായി. ദിലീപിന്റെ മേൽ എല്ലാം കെട്ടിവെയ്ക്കാൻ നോക്കുകയാണ് എന്നൊക്കെയായിരുന്നു പി സിയുടെ വാദം എന്നാൽ പി സി ജോർജിനെതിരെ നിരവധി പേരാണ് രംഗത്തെത്തുന്നത്.
ദിലീപ് കേസിൽ കൂടുതൽ വെളിപ്പെടുത്തലുകൾ വന്ന സാഹചര്യത്തിൽ നിരവധി പേരാണ് ദിലീപിനെതിരെ രംഗത്തെത്തുന്നത്. ചാനലുകളിലെ അന്തിചർച്ചകൾ ദിലീപ് കേസാണ്. ബാലചന്ദ്ര കുമാറിന്റെ വെളിപ്പെടുത്തലോടെയാണ് ദിലീപ് കേസ് കൂടുതൽ ചർച്ചാ വിഷയമായത്. മാത്രമല്ല കേസിലെ പ്രതിയായ പഴ്സർ സുനി ദീലീപിന് അയച്ച കത്തും പുറത്തെത്തിയിരുന്നു അതിൽ ദിലീപിനെതിരെ ഗുരുതരമായ ആരോപണങ്ങളാണ് നിലനിൽക്കുന്നത്.
ദിലീപിനെതിരെ അന്വേഷണം ശക്തമാക്കാൻ തന്നെയാണ് തീരുമാനം. നടനെ വീണ്ടും ചോദ്യം ചെയ്യുകയും ചെയ്യും. കേസ് വഴിത്തിരിവിലാണ് എനി എന്തൊക്കെ സംഭവിക്കുമെന്ന് നോക്കാം.