കണ്ണൂര് വിസി നിയമനത്തില് ഉന്നതവിദ്യാഭ്യാസ മന്ത്രി കാണിച്ച ചട്ടലംഘനം കടുത്ത പ്രതിഷേധത്തിലേക്ക്. മന്ത്രി തെറ്റ് ചെയ്തിട്ടും സര്ക്കാര് സംരക്ഷിക്കുകയാണെന്ന് പ്രതിപക്ഷ ആരോപിക്കുന്ന. യൂത്ത് കോണ്ഗ്രസ് കടുത്ത സമരവുമായി തെരുവിലിറങ്ങിയിരിക്കുകയാണ്. ആര് ബിന്ദു രാജിവെച്ച് പുറത്തു പോകണമെന്ന മുദ്രാവാക്യവുമായാണ് യൂത്ത് കോണ്ഗ്രസ് പ്രവര്ത്തകര് പ്രതിഷേധിച്ചത്. സംസ്ഥാന വ്യാപകമായി പ്രതിഷേധം നടക്കുന്നുണ്ട്. പ്രതിഷേധക്കാര് പോലീസ് ബാരിക്കേഡുകള് മറച്ചിടാന് ശ്രമിച്ചു. മന്ത്രിയുടെ മന്ദിരത്തിലേക്ക് നടത്തിയ യൂത്ത് കോണ്ഗ്രസ് പ്രതിഷേധം അക്രമാസക്തമായി. പോലീസ് നിയന്ത്രിക്കാന് ശ്രമിച്ചെങ്കില് പ്രവര്ത്തകര് പിരിഞ്ഞു പോയില്ല. പോലീസിനു നേരെ കല്ലെറിഞ്ഞതോടെ ജലപീരങ്കി പ്രയോഗിച്ചു. പിന്നീട് ലാത്തിചാര്ജുണ്ടായി.
പിണറായി പോലീസേ സൂക്ഷിച്ചോ എന്നും കാലം മാറും ഭരണം മാറുമെന്നും പോലീസിനുനേരെ പ്രവര്ത്തകര് മുദ്രാവാക്യം വിളിച്ചു. വിസി നിയമനം സംബന്ധിച്ച് ഗവര്ണര്ക്ക് കത്തെഴുതിയ മന്ത്രി സ്വയം രാജിവെച്ച് പുറത്തുപോയില്ലെങ്കില് അവരെ മന്ത്രിസഭയില് നിന്ന് പുറത്താക്കാന് നടപടി സ്വീകരിക്കണമെന്നാവശ്യപ്പെട്ട് രമേശ് ചെന്നിത്തല മുഖ്യമന്ത്രിക്ക് കത്ത് നല്കിയിട്ടുണ്ട്.
ശക്തമായ നടപടിയെടുത്തില്ലെങ്കില് വ്യാപക പ്രതിഷേധം ഉണ്ടാകുമെന്നുതന്നെയാണ് അല്പം മുന്പ് പ്രതിപക്ഷ നേതാവ് വിഡി സതീശന് പറഞ്ഞത്. പ്രവര്ത്തകര് ബാരിക്കേഡിനു മുകളില് കയറി പ്രതിഷേധിക്കുകയായിരുന്നു. ശക്തമായ പ്രതിഷേധമാണ് നടക്കുന്നത്. പോലീസ് ഗോ ബാക്കെന്നും പറഞ്ഞ് പ്രവര്ത്തകര് ശക്തമായി പ്രതിഷേധിച്ചു.