ഗവര്‍ണറുടെ പരാമര്‍ശം സര്‍ക്കാരിനെ പ്രതിരോധത്തിലാക്കുമ്പോള്‍ നേതാക്കള്‍ മുഖം രക്ഷിക്കാനുള്ള തത്രപാടില്‍. ഗവര്‍ണര്‍ക്ക് തലയ്ക്ക് സ്ഥിരതയില്ലെന്ന് വരെ പറയുന്ന അവസ്ഥയിലേക്കാണ് കാര്യങ്ങള്‍ എത്തുന്നത്. ഗവര്‍ണറുടെ നീക്കം ദുരൂഹമാണെന്ന് സി.പി.ഐ.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. ഗവര്‍ണര്‍ സമ്മര്‍ദ്ദങ്ങള്‍ക്ക് വഴങ്ങി ഒപ്പിടേണ്ട ആളല്ലെന്നും കാലടിയില്‍ ഒരു പേര് മതിയെന്ന് പറഞ്ഞത് ഗവര്‍ണറാണ്. ഇപ്പോള്‍ മാറ്റിപ്പറയുന്ന ഗവര്‍ണറുടെ നീക്കം ദുരൂഹമാണെന്നും കോടിയേരി പറയുന്നു.
വിസിമാരുടെ നിയമനം സംബന്ധിച്ച് ശിപാര്‍ശ സമര്‍പ്പിക്കുന്നത് സര്‍ക്കാരല്ല, സെര്‍ച്ച് കമ്മിറ്റിയാണ്. പ്രഗത്ഭരായവരാണ് ഇതി നിശ്ചയിക്കുന്നതെന്നാണ് കോടിയേരിയും പറയുന്നത്.
ഗവര്‍ണര്‍ തന്നെ അംഗീകരിച്ച സെര്‍ച്ച് കമ്മിറ്റിയാണ്. ഐകകണ്‌ഠ്യേനയാണ് സെര്‍ച്ച് കമ്മിറ്റി പേരു നല്‍കിയത്. പിന്നീട് അദ്ദേഹത്തിനു വന്നിട്ടുള്ള എന്തോ ഒരു പ്രശ്‌നമായിരിക്കാം. നമുക്ക് അറിയില്ല. ഗവര്‍ണര്‍ തന്നെയാണ് വ്യക്തമാക്കേണ്ടതെന്നും കോടിയേരി പറയുന്നു.ഗവര്‍ണര്‍ക്ക് തലയ്ക്ക് സ്ഥിരതയില്ലേയെന്ന് പറയാതെ പറഞ്ഞുവെന്ന് പറയാം. എന്തായാലും സിപിഎം ഇതിന് വലിയ വില കൊടുക്കേണ്ടി വരുമെന്നാണ് വിമര്‍ശകര്‍ പറയുന്നത്.
ഗവര്‍ണറുമായി ഏറ്റുമുട്ടാന്‍ സര്‍ക്കാരില്ലെന്നും കോടിയേരി പറഞ്ഞു. ഏറ്റുമുട്ടിയാല്‍ പണി പാളുമെന്ന് കോടിയേരിയും സമ്മതിച്ചിരിക്കുന്നു. ഗവര്‍ണറും സര്‍ക്കാരും തമ്മിലുള്ള പ്രശ്‌നങ്ങള്‍ അവര് തന്നെ ചര്‍ച്ച ചെയ്ത് പരിഹരിക്കേണ്ടതാണ്. ചാന്‍സലര്‍ പദവി ഗവണ്‍മെന്റ് ഏറ്റെടുക്കാന്‍ ഉദ്ദേശിക്കുന്നില്ല. ഗവര്‍ണര്‍ തന്നെ തുടരണം എന്നാണ് നിലപാടെന്നും കോടിയേരി പറയുന്നു.
