കൊവിഡ് മരണങ്ങളില് ഒരു കള്ളത്തരവും കാണിച്ചിട്ടില്ലെന്ന് 24 മണിക്കൂറും പറയുന്ന ആരോഗ്യമന്ത്രി വീണ ജോര്ജ്ജ് ഇനി ഒരു അല്പ സമയത്തേക്ക് മൗനം പാലിച്ചോളൂ.. മുഖ്യമന്ത്രി പിണറായി വിജയനെയും മന്ത്രി വീണ ജോര്ജ്ജിനെയും ഉത്തരംമുട്ടിക്കുന്ന തെളിവുകളുമായാണ് പ്രതിപക്ഷ നേതാവ് വിഡി സതീശന് എത്തിയിരിക്കുന്നത്. സംസ്ഥാനത്ത് കണക്കില്പ്പെടാത്ത കൊവിഡ് മരണങ്ങളുടെ വിവരാവകാശ രേഖ പുറത്തുവിട്ടിരിക്കുകയാണ് വിഡി സതീശന്. തദ്ദേശവകുപ്പിന് കീഴിലുള്ള കേരള ഇന്ഫര്മേഷന് മിഷന്റെ കണക്കും സര്ക്കാര് കണക്കും തമ്മില് വലിയ അന്തരമുണ്ടെന്ന് ഇതില് നിന്ന് മനസ്സിലാക്കാമെന്ന് അദ്ദേഹം പറയുന്നു.
സര്ക്കാര് കണക്കില്പ്പെടാത്ത 7,316 മരണങ്ങളുണ്ടെന്ന് പ്രതിപക്ഷം നേതാവ് പറയുന്നു. സര്ക്കാര് കണക്ക് പ്രകാരം ഇന്നലെ വരെയുള്ള കൊവിഡ് മരണം 16,170 ആണെങ്കില് ഇന്ഫര്മേഷന് കേരള മിഷന്റെ കണക്ക് പ്രകാരം ഈ മാസം 23 വരെ 23,486 പേര് മരിച്ചതായാണ് വിഡി സതീശന് ആരോപിക്കുന്നത്. 2020 ജനുവരി മുതല് ഈ മാസം 23 വരെയുള്ള കണക്കാണിത്. തദ്ദേശസ്വയംഭരണ സ്ഥാപനങ്ങള് നല്കിയ വിവരത്തിന്റെ അടിസ്ഥാനത്തിലാണ് റിപ്പോര്ട്ട് തയ്യാറാക്കിയിരിക്കുന്നത്.
ഇത് കെപിസിസി ഓഫീസില് നിന്നോ മുസ്ലീം ലീഗിന്റെ ഓഫീസില് നിന്നോ ലഭിച്ച രേഖയല്ല. സര്ക്കാരിന്റെ ഇന്ഫര്മേഷന് മിഷന്റെ കണക്കാണിതെന്നും വിഡി സതീശന് തുറന്നടിച്ചു.