മുഖ്യമന്ത്രി പുതുപ്പള്ളിയിൽ വന്ന് യഥാർഥ വിഷയങ്ങളിൽ നിന്ന് ഒളിച്ചോടിയെന്ന് ബിജെപി സംസ്ഥാന അധ്യക്ഷ‌ൻ കെ സുരേന്ദ്രൻ. ഗാന്ധി വധത്തെപ്പറ്റി പറഞ്ഞ് അടിസ്ഥാന പ്രശ്നങ്ങൾ മറച്ചുവെച്ചു. യുഡിഎഫും ബിജെപിയും തമ്മിലല്ല യുഡിഎഫും എൽഡിഎഫും തമ്മിലാണ് കൂട്ടുകെട്ട്. വിവിധ തദ്ദേശ സ്ഥാപനങ്ങളിൽ ഇന്ത്യ മുന്നണിയാണ് ബിജെപിക്കെതിരെ ഒരുമിക്കുന്നത്.മകൾക്കെതിരായ മാസപ്പടി, മൊയ്തീനെതിരായ ഇ ഡി അന്വേഷണം എന്നിവയിൽ മുഖ്യമന്ത്രി മിണ്ടിയില്ല. തുടർ ഭരണം കിട്ടിയത് കേരളം കൊള്ളയടിക്കാനുള്ള ലൈസൻസല്ല. കരുവന്നൂർ അഴിമതിയിൽ ഒരുപാട് പാർട്ടിക്കാർക്ക് പങ്കുണ്ട്. സാധാരണക്കാരന്റെ പണം നഷ്ട്ടപ്പെട്ടിട്ടും മുഖ്യമന്ത്രിക്ക് മൗനമാണ്. 53 വർഷം ഒരു മണ്ഡലം കൈയാളിയ യുഡിഎഫിനെപ്പറ്റി ആ മണ്ഡലത്തിലെത്തിയിട്ട് മുഖ്യമന്ത്രി മിണ്ടിയില്ല. ഇത് അന്തർധാരയ്ക്ക് തെളിവാണെന്നും കെ സുരേന്ദ്രൻ പറഞ്ഞു.
