തിരുവനന്തപുരം: കേന്ദ്ര ആഭ്യന്തരമന്ത്രി അമിത് ഷാ ഉടനെ കേരളം സന്ദര്‍ശിക്കില്ല. നേരത്തെ ഏപ്രില്‍ 29ന് കേരള സന്ദര്‍ശനത്തിന് എത്തുമെന്നായിരുന്നു അറിയിച്ചിരുന്നത്. ചില ഔദ്യോഗിക കാരണങ്ങളാലാണ് അമിത് ഷായുടെ സന്ദര്‍ശനം നീട്ടി വച്ചതെന്ന് ബി.ജെ.പി സംസ്ഥാന അദ്ധ്യക്ഷന്‍ കെ.സുരേന്ദ്രന്‍ വ്യക്തമാക്കി.
പുതുക്കിയ തിയതി ഉടനേ തന്നെ തീരുമാനിക്കുമെന്നായിരുന്നു ബി.ജെ.പി അറിയിച്ചു.സംസ്ഥാനത്ത് വര്‍ദ്ധിച്ച് വരുന്ന മതഭീകരവാദ പ്രവര്‍ത്തനത്തിനെതിരെ പോരാട്ടം ശക്തമാക്കുന്നതിന്റെ ഭാഗമായാണ് അമിത് ഷാ കേരളത്തില്‍ എത്തുന്നത് എന്നായിരുന്നു സംസ്ഥാന ബി.ജെ.പി നേതൃത്വം നേരത്തെ അറിയിച്ചിരുന്നത്.
