പാലക്കാട്: എസ്ഡിപിഐ പ്രവര്ത്തകന് സുബൈറിനെ കൊലപ്പെടുത്തിയ ശേഷം സംഘാംഗങ്ങള് രക്ഷപ്പെട്ട വാഹനമെന്നു കരുതുന്ന കാര് കണ്ടെത്തി. കഞ്ചിക്കോട് ഉപേക്ഷിച്ചനിലയിലാണ് കാര് കണ്ടെത്തിയത്. പ്രതികള് തമിഴ്നാട്ടിലേക്കു കടന്നെന്നാണ് നിഗമനം.അതേസമയം, സംഭവം രാഷ്ട്രീയ കൊലപാതകമാണെന്ന് പൊലീസ് എഫ്ഐആറില് പറയുന്നു. മാരകായുധങ്ങള് ഉപയോഗിച്ച് നടത്തിയ കൊലപാതകത്തില് അഞ്ച് പേര് പങ്കെടുത്തിട്ടുണ്ടെന്ന് പൊലീസ് പറയുന്നു. എന്നാല് ആരെയും പ്രതി ചേര്ത്തിട്ടില്ല.ക്രൈംബ്രാഞ്ച് ഡിവൈഎസ്പിയുടെ നേതൃത്വത്തില് 5 സിഐമാരടങ്ങിയ സംഘമാണ് കേസ് അന്വേഷിക്കുന്നത്.
ജില്ലാ പൊലീസ് മേധാവി ആര്.വിശ്വനാഥിന്റെ നേതൃത്വത്തില് കൊലപാതകം നടന്ന സ്ഥലത്തെത്തി തെളിവെടുത്തു.ആര്എസ്എസിന് സുബൈറിനോട് ശത്രുതയുണ്ടെന്ന് സുബൈറിന്റെ പിതാവ് അബൂബക്കര് അന്വേഷണ സംഘത്തിന് മൊഴി നല്കി. കൊലയാളി സംഘം ഉപയോഗിച്ചത് കൊല്ലപ്പെട്ട ആര്എസ്എസ് പ്രവര്ത്തകന് സഞ്ജിത്തിന്റെ പേരിലുള്ള കാറാണ്.സുബൈറിന്റെ പോസ്റ്റ്മോര്ട്ടം നടപടികള് രാവിലെ തന്നെ ആരംഭിക്കും. വൈകിട്ട് എലപ്പള്ളിയിലാണ് കബറടക്കം.