കണ്ണൂര്: സില്വര് ലൈന് പദ്ധതി നടപ്പിലാക്കുമെന്ന് പാര്ട്ടി കോണ്ഗ്രസ് വേദിയില് പ്രഖ്യാപിച്ചു മുഖ്യമന്ത്രി പിണറായി വിജയന്. വസ്തുതാപരമല്ലാത്ത ആരോപണങ്ങള് ഉയര്ത്തി കെ-റെയില് പദ്ധതിയെ പ്രതിപക്ഷം തകര്ക്കാന് ശ്രമിക്കുകയാണ്. എത്രയും വേഗം പദ്ധതി നടപ്പിലാക്കാനാണ് ഉദ്ദേശിക്കുന്നത്. പദ്ധതിക്ക് കേന്ദ്രാനുമതി ലഭിക്കാന് ശ്രമിക്കുകയാണെന്നും സിപിഐ.എം പാര്ട്ടി കോണ്ഗ്രസ് വേദിയില് സംസാരിക്കവെ മുഖ്യമന്ത്രി പറഞ്ഞു.
കേരളത്തിന്റെ വടക്കേയറ്റം മുതല് തെക്കയറ്റം വരെ നാല് മണിക്കൂറില് എത്താന് കഴിയുന്നതാണ് സെമി ഹൈസ്പീഡ് ട്രെയിന് കൊണ്ട് ലക്ഷ്യമിടുന്നത്. കുടിയൊഴിപ്പിക്കുന്നവര്ക്ക് അര്ഹമായ നഷ്ടപരിഹാരം ഉറപ്പാക്കും. ജനങ്ങള്ക്കിടയില് ബോധവത്കരണം നടത്തുകയാണ്. പദ്ധതിക്കെതിരേ രാഷ്ട്രീയ എതിര്പ്പ് ഉയര്ന്നുകൊണ്ടിരിക്കുകയാണെന്നും മുഖ്യമന്ത്രി പാര്ട്ടി കോണ്ഗ്രസ് വേദിയില് ആരോപിച്ചു.
പാര്ട്ടി കോണ്ഗ്രസ് സംഘാടക സമിതിയുടെ അധ്യക്ഷന് എന്ന നിലയില് പ്രതിനിധി സമ്മേളനത്തില് സ്വാഗതം പറഞ്ഞ് സംസാരിക്കുമ്പോള് ആണ് സില്വര് ലൈന് പദ്ധതിയെക്കുറിച്ചുളള തന്റെ നിലപാട് മുഖ്യമന്ത്രി വ്യക്്തമാക്കിയത്്.