ആലപ്പുഴയില്‍ നടന്ന ഇരട്ടകൊലപാതകത്തില്‍ പ്രതികരിച്ച് കെ മുരളീധരന്‍ എംപി. വര്‍ഗീയ ഏറ്റുമുട്ടല് അപകടകരമെന്ന് അദ്ദേഹം പറയുന്നു. സര്‍ക്കാര്‍ നോക്കുകുത്തിയാകുന്ന അവസ്ഥയാണുള്ളത്. ഇത് രാഷ്ട്രീയ പാര്‍ട്ടികള്‍ തമ്മിലുള്ള പ്രതികാരമല്ല. ആര്‍എസ്എസും എസ്ഡിപിഐയുമാണ് രണ്ട് ഭാഗത്തുനിന്ന് പോര്‍വിളി നടത്തുന്നതെന്നും മുരളീധരന്‍ പറയുന്നു. ഇത് അപകടകരമായ അവസ്ഥയാണ്. ഭൂരിപക്ഷ വര്‍ഗീയതയും ന്യൂനപക്ഷ വര്‍ഗീയതയും തമ്മിലുള്ള ഒരു ഏറ്റുമുട്ടലാണ്.
മതസൗഹാര്‍ദ്ദമുള്ള കേരളത്തില്‍ ഏറ്റവും കൂടുതല്‍ അപകടം ചെയ്യുന്നതാണ്. കേരളത്തിന്റെ ക്രമസമാധാന നില പൂര്‍ണമായി തകരുന്ന അവസ്ഥയാണ്. ഇവിടെ സര്‍ക്കാര്‍ എന്താണ് ചെയ്യുന്നത്. സിപിഎം തന്നെ പറയുന്നു പോലീസില്‍ ആര്‍എസ്എസ് കടന്നുകൂടിയിരിക്കുന്നുവെന്ന്. ഇങ്ങനെപോയാല്‍ വളരെ സങ്കീര്‍ണമാകുമെന്നും മുരളീധരന്‍ പറയുന്നു.
