വിവാഹാഘോഷം എങ്ങനെ വെറൈറ്റി ആക്കാമെന്ന് ചിന്തിച്ചവര്ക്ക് കിട്ടിയ പണിയാണിപ്പോള് നിങ്ങള് കണ്ടത്. എന്ത് പുതുമ കൊണ്ടുവരാമെന്ന് ചിന്തിക്കുകയും സാഹസിക പ്രകടനം നടത്തുകയും ചെയ്യുന്നവര് സൂക്ഷിക്കുക. ഇതുപോലെ ആപത്ത് എപ്പോള് വേണമെങ്കിലും ഉണ്ടാകാം. ഗംഭീരമായി ആഘോഷിച്ച ഒരു കല്യാണ പാര്ട്ടിയിലാണ് ഈ അപകടം നടന്നത്. ഛത്തീസ്ഗഡിലെ റായ്പൂരില് നിന്നാണ് സംഭവം റിപ്പോര്ട്ട് ചെയ്തിരിക്കുന്നത്. പ്രത്യേകം തയ്യാറാക്കിയ ഒരു ഫാന്സി ഊഞ്ഞാലില് നിന്നാണ് വധൂവരന്മാര് വീണ് പരിക്കേറ്റത്. വീഡിയോയില്, വധൂവരന്മാര് ഒരു ഓവല് അകൃതിയിലെ പ്രതലത്തില് ഇരിക്കുന്നത് കാണാം.
ദമ്പതികളെ സ്വാഗതം ചെയ്യാന് പശ്ചാത്തലത്തില് ഡാന്സും സ്റ്റേജില് നടക്കുന്നുണ്ട്. ഇടയില് വേദിയില് പടക്കം പൊട്ടിക്കുന്നതും കാണാം. പെട്ടെന്ന്, കയര് പൊട്ടി ദമ്പതികളെ ഊഞ്ഞാലില് നിന്ന് വീഴുന്നതും കാണാം. 12 അടിയോളം ഉയരത്തില് നിന്നാണ് ദമ്പതികള് വേദിയിലേക്ക് വീണത്. പിന്നീട് ആഘോഷ പൂര്ണമായ പാര്ട്ടി നിലവിളിയും കരച്ചിലുമായി. അതിഥികളും ബന്ധുക്കളും കൂട്ടത്തോടെ നിലവിളിച്ച് വേദിയിലേക്ക് ഓടുകയായിരുന്നു. പരിക്കുകള് കാര്യമല്ലെന്നാണ് വിവരം.
സംഭവത്തിന്റെ ഉത്തരവാദിത്തം ഏറ്റെടുത്ത ഇവന്റ് മാനേജ്മെന്റ് കമ്പനി ദമ്പതികള്ക്ക് എല്ലാ സഹായവും നല്കി. വേദിയിലെ എല്ലാം ഒത്തുതീര്പ്പായതോടെ, മണിക്കൂറുകള്ക്ക്ശേഷം നവ വിവാഹ ചടങ്ങുകള് നടക്കുകയായിരുന്നു.