പൊതുവേദിയില് വിവാദ പ്രസ്താവന നടത്തി കെബി ഗണേഷ് കുമാര് എംഎല്എ. പത്തനാപുരം വിളക്കുടി മന്നംമെമ്മോറിയല് ഹയര്സെക്കണ്ടറി സ്കൂളില് പുതുതായി നിര്മ്മിച്ച ഹൈസ്ക്കൂള് കെട്ടിടം ഉദ്ഘാടനം ചെയ്തു സംസാരിക്കവെയാണ് ഗണേഷിന്റെ വിവാദ പരാമര്ശം. ഈ സ്കൂളിന്റെ ശത്രു നായര് സമുദായവും അധ്യാപകരുമാണെന്ന് ഗണേഷ് പറയുന്നു. ഇവിടുത്തെ അധ്യാപകര് ഇരിക്കുന്ന കൊമ്പ് മുറിച്ചതുകൊണ്ടാണ് ഈ സ്കൂള് പുറകോട്ട് പോയത്. എന്എസ്എസിനെ തകര്ക്കാന് എന്എസ്എസുകാര് തന്നെ ശ്രമിക്കാന് പാടില്ലെന്നും ഗണേഷ് പറയുന്നുണ്ട്.
സ്കൂളില് അറബി പഠിപ്പിക്കാനുള്ള സംവിധാനം ഉണ്ടാക്കണമെന്നും അദ്ദേഹം പറയുന്നു. അനുവാദം പോലും ഇല്ലാതെ ബാലകൃഷ്ണന്പിള്ള തുടങ്ങിയ സ്കൂള് എന്നാണ് ചരിത്രം പറയുന്നത്. സര്ക്കാരിന്റെ അംഗീകാരം മറികടന്ന് തുടങ്ങിയ സ്കൂളായിരുന്നു ഇത്. പിന്നീട് മാറിവന്ന സാഹചര്യത്തിലാണ് ഈ സ്കൂളിന് അംഗീകാരം ലഭിക്കുന്നത്. ഈ സ്കൂള് വൃത്തികെട്ട സ്കൂളാണെന്ന് പറഞ്ഞ് പറയിപ്പിച്ചതില് നായര് സമുദായങ്ങള്ക്ക് വലിയ പങ്കുണ്ടെന്നാണ് ഗണേഷ് തുറന്നുപറയുന്നത്.