വിവാഹ ജീവിതത്തിലെ പ്രശ്നങ്ങളും മറ്റും സോഷ്യൽ മീഡിയയിൽ ചർച്ചാ വിഷയമാകാറുണ്ട്. എന്നാൽ വിവാഹ ജീവിതത്തിലെ പ്രശ്നവും അതിന് ഭർത്താവ് കണ്ടെത്തിയ പ്രശ്ന പരിഹാരവുമാണ് ഇപ്പോൾ സോഷ്യൽ മീഡിയയുടെ ശ്രദ്ധയാകർഷിക്കുന്നത്. പങ്കജ് ശർമ്മ എന്ന യുവാവാണ് സോഷ്യൽ മീഡിയയുടെ ഇപ്പോഴത്തെ താരം. കഴിഞ്ഞ മെയ് മാസത്തിലാണ് പങ്കജ് വിവാഹിതനാകുന്നത്. എന്നാൽ
വിവാഹം കഴിഞ്ഞ ശേഷവും ഭാര്യയുടെ ഇഷ്ടം മനസിലാക്കി കാമുകനൊപ്പം ഭാര്യയെ പോകാന് അനുവദിച്ചിരിക്കുകയാണ് ഭര്ത്താവ്. ചില സിനിമകളില് ഇത്തരം രംഗങ്ങള് കണ്ടിട്ടുണ്ടെങ്കിലും ജീവിതത്തില് ഇങ്ങനെ കാണുക അപൂര്വമായിരിക്കും. ഉത്തര്പ്രദേശിലാണ് സംഭവം നടന്നിരിക്കുന്നത്.
ഗുരുഗ്രാമിലുള്ള ഒരു സ്വകാര്യ കമ്പനിയില് അക്കൌണ്ടന്റാണ് പങ്കജ് ശര്മ്മ. കഴിഞ്ഞ മേയിലാണ് കോമള് എന്ന യുവതിയുമായി പങ്കജിന്റെ വിവാഹം നടന്നത്. കല്യാണം കഴിഞ്ഞ അന്നു മുതല് ഭാര്യ തന്നോട് അകലം പാലിച്ചിരുന്നതായി പങ്കജ് പറയുന്നു. മാത്രമല്ല കോമള് തന്നോടു സംസാരിക്കുക പോലുമില്ലായിരുന്നുവെന്നും യുവാവ് പറയുന്നു. ഒടുവില് കാര്യം തിരക്കിയപ്പോഴാണ് പിന്റു എന്ന യുവാവുമായി പ്രണയത്തിലാണെന്നും തന്റെ ഇഷ്ടമില്ലാതെയാണ് വിവാഹം കഴിപ്പിച്ചതെന്നും കോമള് പറയുന്നത്. ഇതിനെക്കുറിച്ച് പങ്കജ് ഭാര്യാസഹോദരനെ വിവരമറിയിച്ചതിനെ തുടര്ന്ന് അയാള് കോമളിനെ കാര്യങ്ങള് ബോധ്യപ്പെടുത്താന് ശ്രമിച്ചെങ്കിലും ഫലമുണ്ടായില്ല.
വിഷയം ഗാര്ഹിക പീഡന സെല്ലിന് മുന്നിലെത്തി. ഇവിടെ വച്ചും യുവതി ആഗ്രഹത്തില് ഉറച്ചുനിന്നു. ഇതോടെ കാമുകനൊപ്പം ഒരുമിച്ച് താമസിക്കാന് യുവതിയെ പങ്കജ് ശര്മ്മ അനുവദിക്കുകയായിരുന്നു. വിവാഹത്തിനുള്ള ഏര്പ്പാടുകള് ചെയ്തതും പങ്കജായിരുന്നു. വെള്ളിയാഴ്ച നടന്ന വിവാഹത്തില് ഇരുവരുടെയും ബന്ധുക്കളും പങ്കെടുത്തു.
ഇഷ്ടപ്പെട്ട പെൺകുട്ടിയെ സ്വന്തമാക്കാൻ വേണ്ടി കൊലപാതകങ്ങളും ആസിഡ് ആക്രമണങ്ങളൊക്കെ നടക്കുന്ന ഈ കാലത്ത് ഇത്തരത്തിലുള്ള ഈ വാർത്ത പ്രസക്തിയാർജിക്കുന്നത് തന്നെയാണ്. പെൺകുട്ടികൾ ഒരു ബന്ധത്തിൽ നിന്ന് നോ പറഞ്ഞാൽ പിന്നെ അവളുടെ മരണമായിരിക്കും എല്ലാവരും അറിയുക. എന്നാൽ സമൂഹത്തിൽ നിന്നും അത്തരം ചിന്താഗതികൾ മാറേണ്ട കാലം അതിക്രമിച്ചിരിക്കുന്നു. വിട്ടുകൊടുത്തും നമുക്ക് സമൂഹത്തിൽ തലയുയർത്തി മാതൃകയായി നടക്കാം എന്നതിന്റെ ഉദാഹരണം കൂടിയാണ് പങ്കജ് ശർമ്മ എന്ന യുവാവ്.