രാജ്യത്തെ ഏറ്റവും വലിയ ആഘോഷങ്ങളിൽ ഒന്നാണ് ദസറ. ഇന്ത്യയിൽ അങ്ങോളം മിങ്ങോളം ദസറ ആഘോഷം കൊണ്ടാടാറുമുണ്ട്. പ്രത്യേകിച്ച് വടക്കേ ഇന്ത്യയിലെ വലിയ ഒരു ആഘോഷം കൂടിയാണ് ദസറ. എന്നാൽ ദസറ ആഘോഷത്തിന്റെ ഭാഗമായി നടന്ന റാലിക്കിടെ നടന്ന അപകടത്തിന്റെ ഞെട്ടിക്കുന്ന വീഡിയോ ആണ് ഇപ്പോൾ പുറത്തെത്തിയിരിക്കുന്നത്. ഛത്തീസ്ഗഢിലാണ് നാടിനെ നടുക്കിയിരിക്കുന്ന ഈ അപകടം നടന്നിരിക്കുന്നത്.
ഛത്തീസ്ഗഢില് ദസറ ആഘോഷങ്ങളുടെ ഭാഗമായ റാലിയിലേക്ക് കാര് ഇടിച്ചു കയറുകയായിരുന്നു. അപകടത്തിൽ നിരവധി പേര്ക്ക് പരിക്കെറ്റിട്ടുണ്ട്.. ഛത്തീസ്ഗഢിലെ ജാഷ്പുര് നഗറിലെ റാലിക്കിടെയാണ് സംഭവം നടന്നത്. അപകടത്തിന്റെ ദൃശ്യങ്ങള് പുറത്തുവന്നു.
16 പേര്ക്കെങ്കിലും ഗുരുതരമായി പരിക്കേറ്റിട്ടുണ്ട്. രണ്ടു മരണങ്ങളുണ്ടെന്ന് സ്ഥിരീകരിക്കാത്ത റിപ്പോര്ട്ടുകളും പുറത്തെത്തുന്നുണ്ട്. പാഥാല്ഗാവോണ് സിവില് ആശുപത്രിയിലേക്കാണ് പരിക്കേറ്റവരെ എത്തിച്ചത്. അമിത വേഗത്തിലായിരുന്നു കാര്. ഡ്രൈവറെ പിടികൂടിയിട്ടുണ്ട്. കഞ്ചാവും ലഹരി വസ്തുക്കളും കാറില് നിന്ന് പിടിച്ചെടുത്തു. മധ്യപ്രദേശുകാരായ ബാബ്ലു വിശ്വകര്മ, ശിശപാല് സാഹു എന്നിവരാണ് കാറിലുണ്ടായിരുന്നത്.
റാലിയിൽ വലിയ ഒരു ജനകൂട്ടത്തെ തന്നെ നമുക്ക് കാണാൻ കഴിയും ആ റാലിക്കിടെ അമിത വേഗത്തിൽ എത്തിയ കാർ ആളുകളെ ഇടിച്ചിട്ട് ശരവേഗത്തിൽ പോകുന്നത് വീഡിയോയിൽ വ്യക്തമായി കാണാൻ കഴിയും.