കൊവിഡ് ബാധിച്ച് മരിച്ചവരുടെ മൃതദേഹത്തോട് കാണിക്കുന്ന അനാദരവ് തുടരുന്നു. ബിഹാറിലെ നളന്ദയില് സംഭവിച്ചതിങ്ങനെ. കൊവിഡ് ബാധിച്ച് മരിച്ചയാളുടെ ശരീരം ശ്മശാനത്തിലേക്ക് കൊണ്ടുപോയത് മാലിന്യ വണ്ടിയില്. കഴിഞ്ഞ ദിവസമാണ് സംഭവം നടന്നത്. മനോജ് കുമാര് എന്നയാളാണ് കൊവിഡ് ബാധിച്ച് മരിച്ചത്. തിങ്കളാഴ്ച സംസ്കരിക്കുന്നതിന് കൊണ്ടുപോകാന് ആംബുലന്സ് പോലും ലഭിച്ചില്ലെന്നാണ് പറയുന്നത്.
കൊവിഡ് മരണമായതുകൊണ്ടുതന്നെ വേറൊരു വാഹനവും ഇവര് ഏര്പ്പെടുത്തിയുമില്ല. ഒടുവിലാണ് മാലിന്യ വണ്ടിയിലാണ് മൃതദേഹം കൊണ്ടുപോയത്. വീഡിയോ പ്രചരിച്ചതോടെയാണ് സംഭവം പുറംലോകമറിയുന്നത്. മൃതദേഹം ഏറ്റെടുക്കാന് മനോജിന്റെ ബന്ധുക്കള് ആരും വരാത്തതിനാലാണ് മാലിന്യം ശേഖരിക്കുന്ന വാഹനത്തില് കയറ്റിയതെന്നാണ് സ്ഥലത്തെ കൗണ്സിലര് അറിയിച്ചത്.
സാധാരണ തിരിച്ചറിയാത്ത മൃതദേഹങ്ങള് ഇങ്ങനെ മാലിന്യം കയറ്റുന്ന വാഹനത്തിലാണ് സംസ്കരിക്കാന് കൊണ്ടുപോകാറുള്ളതെന്നാണ് പറയുന്നത്. എന്നാല് ആശുപത്രിക്ക് സ്വന്തമായി 200ലധികം വാഹനങ്ങളുണ്ടായിട്ടും മാലിന്യവണ്ടിയില് ശവശരീരം കയറ്റിയത് എന്തിനെന്ന് അന്വേഷിക്കുമെന്ന് ആശുപത്രിയിലെ സിവില് സര്ജന് സുനില് കുമാര് അറിയിച്ചു.