കൊവിഡ് ബാധിച്ച് മരിച്ച കുടുംബത്തിന് സഹായവുമായി ഡല്ഹി സര്ക്കാര്. മരിച്ചവരുടെ മക്കള്ക്ക് സൗജന്യ വിദ്യാഭ്യാസം നല്കുമെന്നാണ് മുഖ്യമന്ത്രി കെജ്രിവാളിന്റെ പ്രഖ്യാപനം. കോവിഡ് മൂലം മരണപ്പെട്ട രക്ഷിതാക്കളുടെ മക്കളുടെ വിദ്യാഭ്യാസത്തിനുള്ള പണം സര്ക്കാര് തന്നെ വഹിക്കുമെന്ന് കെജ്രിവാള് പറഞ്ഞു.
വേദനാജനകമായ ദിനങ്ങളാണ് കടന്നുപോകുന്നത്. പലകുടുംബങ്ങളിലും ഒന്നിലധികം മരണങ്ങളുണ്ടായി. നിരവധി കുട്ടികള്ക്ക് അവരുടെ രക്ഷിതാക്കളെ നഷ്ടമായി. അവരുടെ വേദന എനിക്ക് മനസിലാകും. അവര്ക്ക് സര്ക്കാര് സൗജന്യ വിദ്യാഭ്യാസം നല്കും. അയല്വീട്ടുകാര് ഈ കുട്ടികള്ക്ക് വേണ്ട പരിചരണം നല്കണമെന്ന് അഭ്യര്ഥിക്കുന്നുവെന്നും കെജ്രിവാള് പറഞ്ഞു.
കര്ശന നിയന്ത്രണങ്ങളാണ് ഡല്ഹിയില് തുടരുന്നത്. അതുകൊണ്ടുതന്നെ ഡല്ഹിയില് കൊവിഡ് കേസുകളുടെ എണ്ണം കുറഞ്ഞിട്ടുണ്ട്. ഇന്ന് 8500 പേര്ക്കാണ് കോവിഡ് സ്ഥിരീകരിച്ചത്. ഏപ്രില് 10 ന് ശേഷം ആദ്യമായാണ് ഡല്ഹിയില് കോവിഡ് സ്ഥിരീകരിക്കുന്നവരുടെ എണ്ണം പതിനായിരത്തില് നിന്ന് താഴെ എത്തുന്നത്. 12 ശതമാനമാണ് പോസിറ്റിവിറ്റി നിരക്ക്.