കൊവിഡ് എന്ന മഹാമാരിയുടെ ഭയാനകമായ കാഴ്ചകള് രാജ്യത്തിന്റെ പല ഭാഗത്തുനിന്ന് റിപ്പോര്ട്ട് ചെയ്തുകൊണ്ടിരിക്കുന്നു. അതിലൊന്നാണ് കൊവിഡ് ബാധിച്ച് മരിച്ചവരുടെ മൃതദേഹങ്ങള് കൂട്ടത്തോടെ കത്തിച്ച സംഭവം. എന്നാല്, ഉത്തരേന്ത്യയില് മാത്രമല്ല ഇങ്ങ് കേരളത്തിലും ഇത്തരം അവസ്ഥയുണ്ടെന്ന വാര്ത്തയാണ് ഇപ്പോള് പ്രചരിക്കുന്നത്. വീഡിയോ സഹിതമാണ് പ്രചരണമുണ്ടായത്.
പലരും വീഡിയോ കണ്ട് പരിഭ്രാന്തരായി. എന്നാല് ഈ വീഡിയോ വ്യാജമാണെന്നാണ് പറയാനുള്ളത്. ഇനിയും കാര്യത്തിന്റെ ഗൗരവം മനസിലാക്കാത്തവരുടെ കണ്ണു തുറക്കാന് സഹായിക്കുന്ന വിഡിയോ എന്ന പേരിലാണ് വീഡിയോ പ്രചരിച്ചത്.
ഭാരതപ്പുഴയുടെ തീരത്ത് ഷൊര്ണൂരില് പ്രവര്ത്തിക്കുന്ന ശാന്തിതീരം ശ്മശാനത്തില് കോവിഡ് ബാധിച്ചു മരിച്ചവരുടെ മൃതദേഹങ്ങള് കൂട്ടത്തോടെ
സംസ്കരിക്കുകയാണെന്നുള്ള വീഡിയോയാണ് പ്രചരിച്ചത്. എന്നാല് ഈ വീഡിയോ വ്യാജമാണെന്നാണ് ട്രസ്റ്റ് അധികൃതര് പറയുന്നത്. ചൊവ്വാഴ്ച വൈകിട്ട് ശ്മശാനത്തില് സംസ്കാര ചടങ്ങിനെത്തിയ യുവാവാണ് തെറ്റായ സന്ദേശത്തോടെ വീഡിയോ എടുത്ത് പ്രചരിപ്പിച്ചത്.
ഇത്തരം വാര്ത്തകള് നല്കി ആളുകളെ ഭയപ്പെടുത്തരുതെന്നും നിര്ദ്ദേശമുണ്ട്. അതേസമയം, ഇന്ന് സംസ്ഥാനത്ത് 38,460 പേര്ക്ക് കോവിഡ്-19 സ്ഥിരീകരിച്ചു. എറണാകുളം 5361, കോഴിക്കോട് 4200, തിരുവനന്തപുരം 3950, മലപ്പുറം 3949, തൃശൂര് 3738, കണ്ണൂര് 3139, പാലക്കാട് 2968, കൊല്ലം 2422, ആലപ്പുഴ 2160, കോട്ടയം 2153, പത്തനംതിട്ട 1191, വയനാട് 1173, ഇടുക്കി 1117, കാസര്ഗോഡ് 939 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.